玩盡初七DIY大挑戰

安坐家中　慶祝人日

雖然並非正日生日，不過說到底今天也是人日，難得與親友齊齊「生日」，當然要預備一些合家歡的慶祝節目。連續幾日馬不停蹄去拜年，即使精力再充沛，就算毋須返工都未必想出街同人逼。假如你也突然變得深閨，留在家中其實一樣好好玩，至於正在開工的朋友亦毋須失望，只要把這篇報道剪存，過兩日放假也可接受挑戰！

點解初七叫「人日」？

據漢代東方朔《占書》所載，農曆新年首八天是人類和不同畜牧作物誕生的日子，初一是雞、初二是狗、初三是豬、初四是羊、初五是牛、初六是馬、初七是人，而初八則是穀，故此由漢朝開始已有初七慶祝人日的習俗，除了吃象徵吉祥的「七菜粥」或「七樣羹」之外，古人亦會戴上頭飾以表重視，而所謂「七菜」或「七樣」，大致離不開芥菜、芹菜、菠菜、韮菜、薺菜、白菜和葱蒜。

挑戰１：「升呢」新春老婆餅

連續吃了一星期煎堆、角仔、笑口棗，見到煎炸食物已覺得飽滯吧？難道農曆正月十五之前只可以吃這些中式小食？其實你仲有得揀，曾在唐餅老字號打工、現在自立門戶的糕餅師Kinson就教大家利用全盒裏的糖冬瓜製作新春版老婆餅，外皮金黃鬆化再加上奪目的紅色揮春裝飾，絕對是慶祝人日的最佳甜點。

油皮材料：

牛油　50克

低筋麵粉　100克

水皮材料：

糖霜　18克

牛油　35克

清水　50克

中筋麵粉　100克

餡料：

白芝麻　10克

牛油、糖冬瓜 　各50克

糕粉、糖霜　各80克

水　160克

裝飾：

蛋黃　1隻

紅色食用色素　少許

食用金粉　少許

貼士：

i. 將水皮與油皮混合揉搓會形成千層效果，而用低筋麵粉製作的油皮亦可帶來酥脆口感。

ii. 用酒開稀食用金粉才寫字，會較易風乾。

做法：

食得唔好嘥，將全盒裏的糖冬瓜混合其他材料製成老婆餅，既甜蜜又有心思。	1. 分別將油皮及水皮材料拌勻搓成麵糰，揉搓至質地光滑不黏稠即可。預留湯圓大小的水皮糰，加紅色食用色素搓勻備用。	2. 煮餡料，將牛油與清水煮溶，加入糖霜、糕粉、糖冬瓜及預先烘香的白芝麻。用保鮮紙包裹，放入雪櫃冷藏。
3. 將水皮及油皮分成小份，水皮每份20克、油皮每份15克。壓平水皮，包裹油皮後搓成湯圓形狀的外皮。	4. 把外皮壓平，捲成春卷形後再壓平多一次。	5. 輕壓中間位置，對摺後反轉，壓平後包裹餡料。
6. 把麵糰輕輕按扁，面層掃上蛋汁。	7. 壓平紅色油皮，用正方形餅模壓出「揮春」。	8. 鋪好「揮春」後，放入180℃焗爐焗20分鐘。
9. 出爐後以食用金粉在「揮春」上寫祝福句即成。

挑戰２：年年有餘海星斑

新正頭未過，再加上一家人一起慶祝另類「生日」，飯餸不僅要大堆頭，也要講意頭。「哈哈大笑」聽到都心花怒放，所以爽甜大蝦往往是新春必吃菜式；想「年年有餘」的話，大魚大肉一定唔少得，而啖啖肉的星斑就最受歡迎。

以為這些菜式好難整？其實只要識揀新鮮貨，三兩下手勢就可以自家炮製。今日請來二星米芝蓮食府的行政總廚張浪然師傅作示範，張師傅提醒大家，大時大節食魚食蝦記得要保留頭和尾，上碟時再重新砌成原形，象徵好頭好尾自然食得開心又安心。

材料：

海星斑　1條

冬菇、金華火腿　各8片

菜心　 6~8條

鹽、糖 　各適量

芡汁：

雞湯、雞粉、鹽、生粉水　各適量

做法：

1. 將海星斑切片，用鹽及糖醃好。	2. 把斑片、冬菇、金華火腿排列整齊蒸熟；魚頭及魚尾亦蒸熟備用。	3. 用雞湯、雞粉、鹽及生粉水煮成芡汁，同步炒熟菜心。砌好魚頭和魚尾，旁邊伴以菜心，淋上芡汁即成。

挑戰３：哈哈大笑足料虎蝦

想狗年時時刻刻都笑口常開、鴻運當頭，諧音哈哈大笑而又色澤紅潤繽紛的這道菜式就很合男女老少的口味。正如張師傅所言，新正頭最緊要有頭有尾，所以一定要選用原隻虎蝦入饌，而蟹肉和蟹黃則有畫龍點睛、潤色添輝之效。

材料：

虎蝦 　1隻

蟹黃 　10克

蟹肉 　20克

小棠菜 　2棵

生粉、蛋白 　各少許

糖、鹽　各少許

做法：

1. 蝦肉以糖、鹽調味，打成蝦膠，用生粉釀入蝦尾，然後蒸熟。	2. 炸熟蝦頭。	3. 煮熟蟹肉、蟹黃及蛋白，以生粉水埋芡。
4. 淥熟小棠菜；在蝦頭和蝦尾中間放滿蟹肉蛋白芡，以小棠菜作伴碟即成。

挑戰4：紙皮打造汽水機

如果覺得之前3個挑戰均屬小兒科，那麼來個親子自製汽水機應該會滿足到你，因為這個小玩意由準備材料到完成製作起碼花上大半天時間，而看到汽水緩緩流出那刻，相信大人小朋友都會成功感十足！

材料：

9V電池　1粒

9V硬殼電芯鈕（出紅黑線）　2粒

紅黑色軟電線 　3條

圓形按掣　3粒

電氣泵　3個

7mm膠喉　3條（各長40cm）

4mm氣泵專用膠喉　3條（各長7cm）

厚身紙皮盒　 1個

汽水 　3支

貼士：

i. 大部分材料在鴨寮街購得，電氣泵在電子五金舖購買，膠喉則在水族店有售。

ii. 若想放置1公升汽水，紙皮尺寸就要按比例加大，其餘做法相同。

做法：

自製汽水機 好玩又充滿挑戰性的玩意，各位爸爸是時候發揮小宇宙，完成後更可叫小朋友為汽水機作裝飾。 難度：★★★★★	1. 先將紙皮剪成7塊：30cm長×30cm闊背板、30cm長×23cm闊面板、30cm長×10cm闊底板、30cm長×7cm闊按鈕板、30cm長×6.5cm闊出水位、30cm長×15cm闊及23cm長×7cm闊的L形側板2塊。	2. 用熱溶膠將紙皮黐好並風乾，暫時不要黐上按鈕板。
3. 3個汽水樽蓋上各鑽兩個小孔，分別插上7mm及4mm膠喉，用熱溶膠黐好。	4. 按正負極將紅黑色軟電線分別焊接至3個電氣泵上。	5. 將第1條紅色軟電線駁到第1和第2個電氣泵，第2條紅色軟電線駁到第２和第3個電氣泵，而第3條紅色軟電線則駁到9W電芯鈕；而每條黑色軟電線則駁1個按掣，再將3個按掣的電線駁在一起。
6. 把按掣安裝在按鈕板上，黐上汽水機。	7. 用熱溶膠將3個電氣泵黐在紙盒上，最後放入汽水，扭好汽水蓋，裝上9W電池即可使用。

撰文：楊雅菁

攝影：莫文俊、郭凱敏、張群生