心形飾物傳情

還有一個月就到情人節，打算送咩禮物畀女友呢？如果年年如是送玫瑰花，未免太公式化。新一年，不妨以可愛又潮味十足的心形飾物代你傳情，睇得又用得，絕對襟擺過動輒千元以上的玫瑰花。誠意推介有Swatch HEARTY LOVE情人節限定版腕錶，全球限量發行7,654枚，香港只得240枚，相當罕有，對方收到後必定笑逐顏開，幸福感滿瀉。如果女友愛扮靚，不妨送她Saint Laurent黑色心形黑超、Sonia Rykiel紅色閃石心形心口針或Anya Hindmarch紅心毛毛掛飾。