潮人大愛兩用袋孭得又挽得

曾幾何時，時裝界很流行的的骰骰的手提包，拎住去時裝騷確實幾瀟灑，之不過實際用途欠奉，放得落得手提電話時，又放唔到銀包，認真大整蠱。被整蠱了好幾季，時裝人終於醒覺，而一眾品牌亦終於考慮到用家需要，以實際用途為出發點，設計出孭得挽得又睇得的兩用手袋。款式方面，除以充滿玩味的馬蹄、三角、梯形作袋身設計，更大玩拼貼皮革、印花圖案，另又採用金屬環或皮革帶作手挽，大大增加手袋的可觀性，難怪街拍影到不少潮人拎/孭住兩用袋啦！