迎接iPhone X！iOS11觸控密技

批量選取Apps或相片

好多人鍾意幫Apps分類執位，依家只要長按Icon至出現「×」圖示，之後將Icon稍稍拉開至原位，同一時間點選其他需要移動的程式，便可以群組形式一齊移動，唔使再逐隻App搬位。想選取多張相片的話，只需於相簿右上角按「選擇」後，再掃動相片縮圖即可。

備忘錄掃描文件

坊間有不少Apps將手機鏡頭變成掃描器，以便將文件或卡片數碼化，依家喺「備忘錄」直接做得到！用家可於文件的最底列按加號圖示，選擇「掃描文件」，再將鏡頭對準文件，系統即會自動修正四邊變形效果。

分享Wi-Fi密碼

當成功連接Wi-Fi網絡後，想分享Wi-Fi密碼畀其他iOS 11裝置的用家，唔使抄嚟抄去咁麻煩。只要用家的通訊錄內有對方電話號碼，當他想登入同一網絡時，手機的畫面便會彈出「Wi-Fi密碼」訊息，按「分享密碼」後另一用家便可連接網絡。

批量選取Apps或相片	備忘錄掃描文件	分享Wi-Fi密碼

自訂控制中心

新版iOS更新了控制中心介面，讓用家可自訂項目，例如加減快捷功能數目和擺放位置等，甚至可將「螢幕錄影」、「低電量模式」加至控制中心，前者可以錄影畫面；後者則可啟動省電模式，以後一掃便可快速使用相關功能。

鎖定曝光及對焦

以往的拍攝介面雖然支援自動曝光功能，但每次都要篤住主體或畫面。新iOS拍攝時只要長按畫面位置，便可鎖定曝光及對焦，鎖定後鏡頭就算移動取景或構圖，都不會影響曝光及對焦設定，啱晒影友使用。

打字問Siri

有時喺會議場合等唔方便以Siri進行語音命令，不妨打字輸入命令。進入「設定>一般>輔助使用>Siri>輸入即可與Siri對話」，之後長按Home鍵便可透過文字與Siri對話，例如輸入「播啲我鍾意嘅歌」，系統便會啟動音樂。

自訂控制中心	鎖定曝光及對焦	打字問Siri

直讀QR Code

QR Code愈趨普及，但以往要裝App才能讀取二維碼，現在於「設定>相機>掃描二維碼」開啟功能，只要鏡頭感應到二維碼，畫面上方即會彈出二維碼網址，一按便可開啟網頁。

隱藏Dark Mode

雖然iOS早已加入Night Shift功能，於夜晚將畫面色溫變Warm以便閱讀，但各位仲係嫌屏幕太刺眼的話，不妨將畫面的底色變為黑色。於「設定>一般>輔助使用>顯示器調節>反轉顏色>智慧型反轉」，啟動Dark Mode後即刻由白轉黑，得咗！

影像更慳位

iPhone出名影相靚，但相片Size都幾大，想慳位的話，只要進入「設定>相機>格式」，便有「高效率」及「最相容」格式可選擇，前者以HEIF/HEVC格式儲存相片及影片，減少檔案容量；後者則以傳統JPEG/H.264格式儲存影像。以後影多啲相都唔怕爆Memory。

直讀QR Code	隱藏Dark Mode	影像更慳位

鍵盤變觸控板

於虛擬鍵盤長按左下方地球圖示，下方便可選擇單手模式鍵盤。此外，於虛擬鍵盤以3D Touch用力按下，虛擬鍵盤會變成全灰色並可當作觸控板使用，改字更爽手。

撰文：林子聰