提早入貨狂掃特價月餅
月餅一向是美食博覽的重點掃貨項目，既然歷盡艱辛穿過人潮迫到入場，也就不要錯過各大品牌推出的精彩優惠。雖然10月先到中秋節，不過正所謂早買早享受，率先試盡各款傳統及新派口味之餘，提早預訂更可以幫你慳唔少。
新派傳統齊備
作為一個精明消費者，出發往美食博覽之前當然要做足準備，拎住攻略作重點出擊，總好過在人山人海的會場內碰運氣。以月餅為例，入場前先問清楚自己喜歡刁鑽新口味，抑或對傳統月餅情有獨鍾，到時目標為本去搶購平貨。有時間仲可以參加攤位遊戲，隨時有機會食足一世免費月餅。
B.Duck小黃鴨粒粒蛋黃奶黃月餅$110/4個
新派月餅不但可以食，仲有得慢慢玩！好像榮華今年就與本地品牌B. Duck及日本梳乎蛋合作，其中B. Duck奶黃月餅不但小巧可愛，附送的飛行棋更極具收藏價值。
攤位編號：1A-E21&23、1C-B02、3E-D21
2/3 Dolci朱古力脆皮雪糕月餅 $258/8個
外皮採用63%高純度黑朱古力製成，裏面包裹着以天然材料及人手製造的軟滑雪糕，咖啡、開心果、荔枝玫瑰與海鹽焦糖4種口味甜而不膩，帶來豐富層次。首日頭50位顧客可以$1換購1盒。
攤位編號：3E-C05
迷你貓山王榴槤冰皮月餅 $260/6個
除了王牌榴槤冰皮月餅外，今年帶來全新口味的炭燒貓山王榴槤溏心月餅。全部嚴選新鮮樹上熟馬拉榴槤製作，切開後流心緩緩流出，散發濃郁榴槤香味。首日頭3位消費者更可參加「鏟水晶 贏水晶」遊戲，有機會用$1食一世貓山王榴槤冰皮月餅。
攤位編號：1D-C02
榴槤冰皮月餅 $438/5個（買2送1）
由創於1947年的馬來西亞谷城餅棧製作的榴槤月餅當然有信心保證，透薄冰皮包裹着自家果園出品的貓山王榴槤餡料，啖啖肉滋味無窮，價錢便宜也是賣點之一。
攤位編號：1C-D34
法式羅漢果月餅 $288/8個
羅漢果沖水大家就飲得多，小店O’Tim Sweet×LE FOURNIL首創法式羅漢果月餅，打正旗號以健康作賣點。每個月餅均採用天然羅漢果糖以人手製造，蘊含豐富礦物質加上低糖低卡路里，食多幾個都不怕肥。首日頭10盒只售$1，要買趁手。
攤位編號：3E-D18
雙黃白蓮蓉 $450（雙黃白蓮蓉月餅2盒+迷你金莎奶黃月餅1盒）
傳統蓮蓉月餅一向不乏捧場客，鴻星的蓮蓉採用上等湖南寸三蓮子製作，經過水澀、褪衣、去芯、精篩、研磨、炒煮、靜放7個工序而成，質感綿密軟滑，與油潤甘香的蛋黃配合得天衣無縫。
攤位編號：1C-D10
扭計梳乎蛋粒粒蛋黃奶黃月餅 $108/4個
用傳統秘方製作的奶黃月餅以梳乎蛋公仔的形象示人，令人耳目一新，不過最討人歡喜的還是那個特製的月餅盒，組裝後竟然變成兩層櫃桶與收納座，好玩又環保。
攤位編號：1A-E21&23、1C-B02、3E-D21
撰文：楊雅菁
部分攝影：盧展程、陳世昌、胡掁文