抗污、美白、防蝕底3招錫住愛鞋

香港地做Sneakerhead真係好陰功，春天懶啲做少咗防潮抽濕，對鞋隨時發霉；到夏天雨季殺到仲慘，基本上所有網面或近年大熱嘅織面波鞋都唔着得出街，而麖皮同全白波鞋就更加係雨天大敵。坊間係就係有大把洗鞋神器，但一日唔用都唔會知佢哋係咪有效。計我話，與其等污糟咗先嚟洗，不如一早為波鞋噴定防水防污噴霧，以減低被玷污嘅機會。再加埋中底美白同防蝕底兩個Steps，咪可以延長心愛波鞋嘅壽命囉！
用咗防水噴霧就連麖皮都唔驚濕水變色。（網上圖片）
用咗防水噴霧就連麖皮都唔驚濕水變色。（網上圖片）

第一招：防水防污

所謂預防勝於治療，一早幫對鞋噴定防水防污噴霧，就可以大大減低波鞋被雨水、污水或汁液玷污嘅機會！雖然呢類防水噴霧普遍售價比洗鞋產品高，但能夠節省或減少洗鞋時間，計落更划算，而且方便程度更勝後者。

Jason Markk Repel防水噴霧 $160/8oz （F）<br>是較多人認識嘅一個波鞋護理品牌，此噴霧用法簡單，只要直接噴向鞋身便可。風乾後可以重複噴多一層，完成後可達致防水防污功效。
  • Jason Markk Repel防水噴霧 $160/8oz （F）
    是較多人認識嘅一個波鞋護理品牌，此噴霧用法簡單，只要直接噴向鞋身便可。風乾後可以重複噴多一層，完成後可達致防水防污功效。
Reshoevn8r Defender防水噴霧 $160/6.5oz（D）<br>此噴霧可應用於皮革、麖皮、帆布及尼龍上，建議每噴完一層後以軟毛刷輕刷鞋身，讓防水噴霧深入鞋身，令防水效果更出色。
  • Reshoevn8r Defender防水噴霧 $160/6.5oz（D）
    此噴霧可應用於皮革、麖皮、帆布及尼龍上，建議每噴完一層後以軟毛刷輕刷鞋身，讓防水噴霧深入鞋身，令防水效果更出色。
Crep Protect防水噴霧 $169/200ml（B）<br>來自英國的波鞋護理品牌Crep Protect，旗下的防水產品比洗鞋產品更暢銷，因為品牌將納米技術應用在防水噴霧之上，據講此技術絕不會影響透氣度。
  • Crep Protect防水噴霧 $169/200ml（B）
    來自英國的波鞋護理品牌Crep Protect，旗下的防水產品比洗鞋產品更暢銷，因為品牌將納米技術應用在防水噴霧之上，據講此技術絕不會影響透氣度。
Liquiproof防水噴霧 $138/50ml（E）
  • Liquiproof防水噴霧 $138/50ml（E）
Tarrago Nano Protector納米防水噴霧 $200/400ml（A）<br>同樣用上納米技術，擁有極佳防水效果；用後不會令鞋身原有物料的顏色及質感改變，甚至有預防皮革發霉及延緩氧化功效。
  • Tarrago Nano Protector納米防水噴霧 $200/400ml（A）
    同樣用上納米技術，擁有極佳防水效果；用後不會令鞋身原有物料的顏色及質感改變，甚至有預防皮革發霉及延緩氧化功效。

Liquiproof防水噴霧 $138/50ml（E）

標榜使用後可達致永久性保護功效，同樣採用納米技術，可完全防禦污水或油漬侵害，而且擁有絕佳透氣性，並適用於波鞋以外的物件如帽、手袋甚至衣物上。坊間對LP的防水性能評價極高，因此其定價亦相當高，與其他品牌雖然同樣售百多元，容量卻只有50ml。

第二招：中底美白

除咗入夏後鞋身容易因雨水侵襲而玷污外，白色波鞋氧化變黃亦是鞋頭一大煩惱。因為發生呢類情況，已代表去到不可挽救地步，甚至用咗洗鞋神器都救唔番。喺呢個時候建議大家試試Tarrago Super White，只要直接搽喺變黃位置，如中底或鞋身就可以。但要留意它只適用於皮革波鞋上，織面或麖皮物料絕不適用。

Tarrago Super White $90 （A）
  • Tarrago Super White $90 （A）
齋睇相已經見到使用Tarrago Super White的使用前後對比。（網上圖片）
  • 齋睇相已經見到使用Tarrago Super White的使用前後對比。（網上圖片）
SNEAKERSER Premium Midsole Paint Marker $148（C）
  • SNEAKERSER Premium Midsole Paint Marker $148（C）
SNEAKERSER Premium Midsole Paint Marker用於Boost中底絕無問題。（網上圖片）
  • SNEAKERSER Premium Midsole Paint Marker用於Boost中底絕無問題。（網上圖片）

近年adidas的Boost中底波鞋大行其道，但其Boost位置極易污糟及氧化變黃，不妨使用SNEAKERSER推出的Premium Midsole Paint Marker。其用法與Super White相若，但因為筆頭更細更易操控，而且用於Boost中底也絕無問題，堪稱是中底氧化救星。

第三招：唔怕「蝕」底

既然鞋身可以做防水、中底又可以美白，咁鞋底又可以點保護以防「蝕底」呢？最直接方法就係貼Reshoevn8r推出的Sole Shields鞋底貼，只要根據自己對波鞋鞋底形狀裁剪合適尺碼後，以風筒熱力令鞋底貼與鞋底貼合，再分別於鞋頭及鞋跟經常接觸地面位置貼上防滑磨沙貼即可。另美國品牌Sole Saver亦有推出同類型產品（貼上更有磨沙紋），同樣係加熱就可以與鞋底貼合。怕自己手工唔掂的話，可上Reshoevn8r Shoecare Centre By NOISY FOLKS搵專家代貼（需收費），就唔怕「蝕」底嘞！

Reshoevn8r Sole Shields鞋底貼 $240（D）
  • Reshoevn8r Sole Shields鞋底貼 $240（D）
除咗可以防蝕外，鞋底貼亦可以延緩鞋底氧化變黃（透明底好易變黃），Air Jordan 11就最啱用。（網上圖片）
  • 除咗可以防蝕外，鞋底貼亦可以延緩鞋底氧化變黃（透明底好易變黃），Air Jordan 11就最啱用。（網上圖片）
Sole Saver鞋底貼 $200（D）
  • Sole Saver鞋底貼 $200（D）
鞋底貼的透明設計，就算貼左都唔怕遮住鞋底設計。（網上圖片）
  • 鞋底貼的透明設計，就算貼左都唔怕遮住鞋底設計。（網上圖片）

撰文：賴文曦

查詢電話：（A）6405 8058、（B）2808 0218、（C）2780 0780、（D）6412 8245、（E）3956 4737、（F）2253 1313