文青專屬 偷閒加油站

開放式廚房 可玩煮飯仔

講到Party Room，通常以繽紛布置作招徠，玩樂設施多多，務求令用家不會有悶場。今次介紹的好Hea處——The Core Base，坐落葵芳，佔地約1,000平方呎，布置有別於一般Party Room，走日系簡約路線，純白色牆身、米色L形梳化、木製餐桌、吊椅……堆砌出一個舒適空間，最重要是收費便宜，平日早上每人只須$20/小時，即使是周末晚上，每人每小時收費也是$30而已。店舖負責人Lawrence的正職是設計師，對家居設計甚為講究，有感港人活在壓力下，很需要有個地方與友人Gathering，於是打造了一個帶有家居Feel的休閒空間，方便顧客吹水、聽歌、煲碟，甚至可以玩埋煮飯仔。Lawrence說：「在這個工廈單位開店，全因看中它有大幅玻璃窗，可引入自然光。我覺得日光很重要，可為空間帶來暖意，顧客可在此聊天、看書、睇戲、玩Board Games，亦可租場作拍攝用途……」值得一提，店內特設開放式廚房，內有微波爐、焗爐、煮食爐具及店主從世界各地搜羅的餐具，想跟友人搞個美食聚會，No Problem！

書櫃擠滿不同類型的讀物，涉及文學、美學、建築、心理學等範疇。

開放式廚房有齊微波爐、焗爐與煮食爐具！

為支持環保，避免使用即棄餐具，Lawrence特別把自己從世界各地搜羅的餐具借給顧客使用。

場內有多張舒適的梳化，令人很想再坐一會。

查詢：9630 2834（須包場及預約）

開揚地閉關 刨書度橋最啱

有冇試過搵唔到地方約死黨做Project、開會、溫書、傾心事？圖書館、自修室有太多限制，說話大聲一點，即引來旁人怒睥；到快餐店、咖啡室打躉，又慘遭白眼，加上閒雜人多，靜極有個譜，於是有人嘗試為欠缺閉關空間的學生哥與打工仔，闢建另類Common Room。店舖名為「Desk-one溫室」，坐落銅鑼灣的樓上店，面積約1,400平方呎，設計概念來自Co-Working Space，當中劃分為3個不同空間——Reading Lounge、Quiet Focus Zone與Discussion Room，方便顧客對號入座。Reading Lounge是一個相對Casual的空間，備有梳化、搖椅等，又會播放輕鬆音樂，顧客可跟朋友聊天、開餐，為生活解悶；Quiet Focus Zone的設計有點似自修室，內有獨立座位，顧客可享用一個完全寧靜的環境，專心看書、溫習或工作；Discussion Room則有兩間，可容納2至5人，適合開小組會議，內有免費Wifi、列印和掃描服務，每個座位附近都有充電裝置，甚至有充電線可以借用。收費方面，視乎用家需要，可以時租、日租和月租計算，最低消費$40/小時。

Reading Lounge備有梳化與單人椅，顧客可在輕鬆音樂的陪襯下， 體驗片刻的悠閒。	Quiet Focus Zone的獨立座位設計猶如自修室。	Discussion Room可容納2至5人，適合開小組會議。

查詢：2185 6660

撰文：司徒德琳

部分攝影：陳世昌

部分相片：由相關機構提供