靈感煮意：香草雞扒配三色Couscous 15分鐘搞掂
讀者中有不少上班族，他們常以為入廚煮餸必定要一隻鑊炒菜、一隻鑊蒸肉，再加一個飯煲煮飯，因而寧願加入外賣行列，我見到都肉赤。上班已經辛苦，放工都無啖好食，肥事小，吃下一堆味精和添加劑，搞到愈來愈無精神則事大。今日我會教大家只用一隻鑊，毋須飯煲，炮製出有菜、有肉、有飯的一餐，立即上on.cc東網收看我的視像教學，做一餐慰勞吓自己啦！
分量：4人份
小米：中東小米（Couscous） 200克、煙紅椒粉 2茶匙、海鹽和黑胡椒 各1/4~1/2茶匙、熱水 300克
蔬菜：車厘茄一開二 20個、青瓜仔切粒 2條、粟米 100克、青檸汁 1 1/2湯匙、特純初榨橄欖油 2湯匙
肉類：雞扒 4塊、煙紅椒粉、海鹽和黑胡椒 各適量
註：淡味油可用任何味道淡的油，如淡味橄欖油、芥花籽油。
做法：1. 浸：將「小米」材料置碗內攪勻，包保鮮紙浸10~15分鐘，或至水分徹底被吸收。
2. 煎：雞扒兩邊灑上「肉類」調味料，下油以中火煎熟備用。
3. 拌：將「蔬菜」加入「小米」拌勻，若時間許可，待30分鐘才吃會更入味，上碟時加入雞扒即成。
靈山小貼士：i. 橄欖油除了添加味道之餘，還可保持蔬菜新鮮度，同時令Couscous煮起後亦不會黏在一起。如做好後立即吃，可將油分減一半，若不介意太乾，可不放。
ii. 視乎蔬菜保質期，每次可做3天的分量。
周靈山 Profile
愛情及瘦身食譜作家，著作有《你是女皇，他就是皇帝！》。
個人網站︰http://lively.com.hk
Facebook︰http://www.facebook.com/lively.com.hk/
Instagram︰lively.com.hk