文化雜誌變身潮牌賣衫

柏林流行文化雜誌《032c》出名內容深入精闢又具前瞻性，但在睇片睇圖多過睇字的今天，未必個個潮童會追住睇。所以雜誌主編Joerg Koch在一兩年前就諗到推出服飾呢一招。最初佢都係小試牛刀玩吓Crossover、搞吓Pop-up Store就算，誰不知卻因為食正VETEMENTS Style風潮而大受歡迎，於是最後順應民意推出一系列自家服裝產品。雖然都係一啲印有大Logo、大字樣的流行款，但當中也不乏精彩之作。喺早前嘅米蘭時裝周上，就大把潮人爭住着。雖然係妹仔大過主人婆，但令到多啲人認識《032c》，未嘗唔係好事。