咪走雞！達人教影 璀璨煙花

黑卡曝光避免重疊

影煙花除咗要準備相機、快門線和腳架，仲要準備一張「黑卡」，簡單來說「黑卡」是一張用來遮擋鏡頭嘅不反光黑色卡紙，Kelvin表示：「影煙花時基本會用F8~F11光圈、ISO 100（視乎環境而定）和B快門進行長曝，當煙花爆開時就可拎走鏡頭前嘅黑卡，爆完後再蓋上避免過度曝光，這樣便可於同一畫面上出現多組煙花。謹記避免煙花於相同位置重疊，如果唔係畫面會好亂。」

「黑卡」其實係一張唔反光嘅黑色卡紙，用嚟遮擋鏡頭控制曝光時間。	利用長焦鏡頭，拍攝時將對焦環立即扭至失焦，就會變成呢種夢幻效果。	利用黑卡便能夠在畫面上展現多組煙花，記住煙花位置盡量唔好重疊。

長焦距刻意失焦

影煙花大多使用廣角鏡為主，皆因可囊括整個環境，其實大家可準備多一部長焦距相機，就能夠玩出夢幻效果。Kelvin指：「當使用70~200mm呢類長焦鏡頭影煙花，首先以無限遠手動對焦Focus煙花拍攝，當爆開一刻快速將對焦環扭至失焦，咁樣出嚟嘅效果會變成虛實交替。」此外，長焦距鏡頭亦適用於較遠地點，例如山頂或寶馬山一帶拍攝。

相機設定為F8~F11光圈、ISO 100（視乎環境而定），配合B快門作長時間曝光。	影煙花建議帶備腳架，價錢豐儉由人，最緊要夠穩陣。	快門線係影煙花嘅基本工具，畀你控制快門開合時間。

把握頭兩組煙花

影煙花除咗講技巧，天氣都好重要，若當日有30km或以上能見度最為理想，影出嚟嘅作品會較清晰，而且要留意風向，假如吹北風就建議在九龍方向拍攝，相反吹南風就應該在港島方向，避免煙花產生的煙霧影響清晰度。Kelvin強調：「應該把握頭兩組煙花拍攝，因為剛開始時會冇咁大煙，若果當晚冇風的話，到中尾段嘅煙花就會變得煙霧瀰漫。」

Kelvin Yuen憑藉飛鵝山拍攝的相片，於「2015國家地理攝影大賽」獲得青年組冠軍等獎項。另有跟德國國家旅遊局、National Geographic等合作。	第四幕：四喜臨門喜迎春 維港上空爆發9次紅色「吉」字，接着有「閃爍瀑布」及紅、綠、銀飄絮配襯，尾段來個大灑「金沙」，寓意金雞報喜、大吉大利。	第六幕：花花宇宙 這幕煙花代表各個星球都在慶祝，因此有紫色的「土星環」、「銀環紅拉手」、「雜色閃爍菊」，恭賀金雞年蒞臨。

達人推介熱點

今年煙花匯演的躉船會停泊在尖沙咀海旁與灣仔會議展覽中心之間的水域，因此能夠觀賞煙花的位置有很多，可是每年那裏一帶都逼滿人，究竟有冇其他靚位呢？攝影達人Richard建議：「各位可到尖沙咀海運大廈天台，以天星碼頭作前景及港島高樓大廈作背景，在萬家燈火的襯托之下令煙花更顯眼。而山頂盧吉道亦係影煙花嘅靚位，皆因景觀開揚空曠，可俯瞰九龍和港島的環境，並以ifc及中銀大廈等為前景，煙花從中點綴。」

Richard有多年拍攝經驗，「攝」獵題材包括旅遊、運動、風景、人物等，曾為多份報章及雜誌撰寫旅遊攝影專欄。	尖沙咀海運大廈天台	山頂盧吉道

拍攝器材之選

EOS 5D Mark IV全片幅視野廣闊 Canon EOS 5D Mark IV單反內置3,040萬像素全片幅CMOS，影出嚟嘅視野比APS-C片幅更廣闊，加上引入雙像素RAW功能，能夠後期進行景深微調、散景平移等，仲支援4K拍片功能。 售價：$25,480（淨機身）（a）	16~35mm F2.8大光圈首選 廣角鏡頭係影煙花不可或缺嘅器材，而「大三元」之一嘅Canon EF 16~35mm F2.8L III USM，備有F2.8恒定光圈加持，加上作為第3代鏡頭，成像質素大幅提升。 售價：$17,980（a）	LUMIX G85輕便無反 Panasonic LUMIX G85無反相機內建雙影像防震系統，可啟動機身五軸防震並同時使用鏡頭兩軸防震，就算手持都影得到靚相，加上配備3吋側揭式屏幕，取景更方便。 售價：$7,790（淨機身）（b）

撰文：黎子豪

攝影：盧展程（部分相片由受訪者提供）

模特兒：Yoki Tong

查詢電話：

（a）3191 2333

（b）2833 0955