雞年應節隨身物

「雞！全部都係雞！」呢句歌詞早前唱到街知巷聞，嚟到農曆新年就更加應節！事關撞正十二生肖中的雞坐正，不同品牌借雞為題推出限量版單品賀一賀。好似Folli Follie的「Lucky Rooster」首飾系列，便以黑色剪影的雞形圖案為吊墜，配以金屬色的長頸鏈，貴氣又有意頭。而Converse YEAR OF THE ROOSTER「雞年」限定系列中的背囊，就低調地車上公雞圖案布章。至於Vilebrequin特別設計的賀年版短褲，則配以金線刺繡勾勒出手繪公雞圖案。另還有Links of London的十二生肖吊飾，以純銀併18K黃金打造金雞細節，預先同大家拜個早年。