副刊
小店超值帶子炒飯
K至尊帶子松子炒飯 $48
抵食推介,分量雖然不算多,不過也落足料用了3隻美國大帶子製作,生炒飯夾雜了青瓜粒與松子,再淋上帶子汁一同炒香,味道不俗。
大家都知道出街食飯愈來愈貴,諗住平平地去茶餐廳食碟頭飯,加多杯凍飲埋單已經要六、七十元,過時過節推出的聖誕元旦大餐更加乸脷,戶口存款數字跌至新低仲邊有心機歡度佳節?不過近月在佐敦新開的Baby K寶貝餐廳就以平價西餐作招徠,午市套餐只需$42至$48、晚餐$78至$88有交易,以為是普通茶餐廳貨色,想不到$48竟然可以吃到大大粒的美國帶子炒飯,用匈牙利鵝肝配多士也只是$60,平過去連鎖店食快餐。
用料講究 價錢超值
小店之所以能夠做到平價益街坊,只因盡量節省裝修成本,寧願將資源投放在食物選材上,讓普羅大眾以超值價錢品嘗到高級貨色。店主特別推介「K至尊」系列,包括空運穀飼牛西冷、西班牙黑毛豬、三文魚扒、阿拉斯加銀鱈魚等,套餐價錢只是$128至$228,賣相毫不失禮,味道亦甚有水準,良心小店當然值得支持。

撰文:楊雅菁

攝影:張群生

查詢電話:3704 7821
煎焗阿拉斯加銀鱈魚 $228
師傅選用肉質特別嫩滑的魚尾位置,一邊煎香魚肉,再用秘方將魚肉焗熟,外脆內嫩也是水準之作。
匈牙利原塊鵝肝蜜糖厚多士 $60
香煎鵝肝味道甘香,並保留了豐腴口感,配搭西多士增添香脆口感,帶來雙重滋味。
_
香煎西班牙黑毛豬扒 $168
用少許鹽及香料醃製豬扒,肉質鬆軟嫩滑,香煎後亦品嘗到豐富肉汁,更備有黑松露白汁、黑松露燒汁、秘製黑椒汁、秘製燴汁4款醬汁供客人蘸點。
精選12安士安格斯肉眼扒 $158
重量級肉眼扒十分抵食,先煎香肉眼頭,再利用其油分香煎整塊扒,質素絕不比扒房遜色,但價錢卻平一半。
_