玩具Wish List肥腸愛高達女人唔明白

重裝機體有感情

俗語話「男人愛高達，女人唔明白」，肥腸鍾意高達是由小時候睇卡通片開始。「小學時睇《新機動戰記》，人人都鍾意Wing Gundam，我卻獨愛擁有強大火力的重炮手高達，可能自己都係大大隻，所以對重裝機體零舍有好感。」肥腸舉例如宇宙世紀的太空坦克、ZZ高達都係佢杯茶，早排嘅高達手遊更令佢玩到廢寢忘餐。同樣玩重火力，肥腸對新作《雷霆戰線》印象深刻，聖誕期間已揀定MG 1:100 Thunderbolt版全武裝高達和渣古模型慢慢砌。「劇中高達以盾牌怒擋渣古密集攻擊，型到核爆！模型忠實還原武裝機關之餘，關節相當紮實，點扭都唔使怕。」

DX超合金《Macross Delta》VF-31J飛翔亂舞 《Macross Delta》主角疾風因梅爾所駕駛的VF-31J齊格菲，藍白色流線機身可三段變形成人形、半人形和戰機模式。背部攜帶主武器霍華德LU-18A光束機關炮，相當吸睛。售價：20,000日圓（a）	超合金魂百獸王五獅結合 大家等到頸都長，日本Bandai終於肯買版權重新炮製超合金《百獸王》，由黑、紅、綠、藍、黃五隻獅子合體，新版改良獅子的可動性，能夠作出半蹲姿勢，機體線條亦有所強化。售價：30,000日圓（a）	MG高機動型精神感應渣古Thunderbolt Ver.一身武器

毒男為生活減壓

作為典型嘅「毒男」，肥腸自小已被哥哥薰陶成為機迷，一有時間就打機，朋友急Call都好少理。他回憶：「童年時睇阿哥打《超級機械人大戰》，一見到鐵甲萬能俠、EVA初號機等出招畫面就相當興奮。」可說是間接令他愛上各式機械人玩具。對於聖誕節見人哋雙雙對對，肥腸話唔會「葡萄」：「我覺得『毒男』唔係壞事，收工自己打機、睇動漫、玩玩具來寄託，可為生活減壓，自得其樂之餘，比起要靠約朋友食飯聯歡來打發時間更加慳錢呢！」

MG全武裝高達Thunderbolt Ver.四盾防衞 1:100《雷霆戰線》版本全武裝高達模型，特徵在於巨型推進背包及重裝甲設計，配備二連光束步槍、五連裝導彈艙等，背包更可拉出隱藏式副機械臂連接盾牌，以四盾作防護。售價：7,560日圓	卸下43件外甲後，可重現輕裝高達本體。	Hot Toys 12吋黑武士《俠盜一號》Ver.全新造型 《俠盜一號：星球大戰外傳》新近上映，Hot Toys推出的新電影造型黑武士，備有亮黑光澤頭盔，面罩上的塗裝細緻，呈現出一代霸主的威武氣勢。售價：$1,580（b）
Medicom 12吋幪面超人舊一號（究極版）換皮改良 Medicom的12吋「拉打」Figure向來有合成皮衣龜裂的問題，新作採用高耐久度合成皮製作，素體造型也經過微調，頭部亦重新設計，複眼效果更突出。售價：23,000日圓（c）	肥腸精選 肥腸唔介意自己單拖過聖誕，只要有玩具作伴就心滿意足。

MG高機動型精神感應渣古Thunderbolt Ver.一身武器

1:100《雷霆戰線》版本精神感應渣古模型，紅色機身重現劇中對付蜂巢號戰艦的全武裝狀態，配備火箭炮、機槍、榴彈等大量武器，背部還伸延出超長巨型燃料推進器。售價：9,000日圓（a）

撰文：廖俊斌

部分攝影：張群生

查詢電話：（a）2433 1828、（b）3722 3988、（c）2366 2688