廿蚊食型男親製飯糰

小店滿足三大願望

能叫老闆Dominic驚為天人，當然滿足到第一個願望—「好食」；而另一個願望則是「抵食」，用日本靚料製作的飯糰每個只賣$19至$26，大大碗炸雞飯、炸蝦飯、三文魚生飯$50多就有交易，連全店最貴的海膽飯亦不過是$88，配套餐有湯或沙律和飲品，一樣划算。

至於最後一個願望就是「睇靚仔」；原來老闆Dominic就是曾參演《鴨王》及《喜愛夜蒲２》等電影而擁有不少Fans的何浩文，這個生招牌幾乎日日都會到舖頭坐鎮，甚至親自為客人製作飯糰，難怪許多少女Fans都專程來探班，想不到由靚仔明星親手做的飯糰亦有板有眼，果然夠驚喜。

撰文：楊雅菁

攝影：張群生　

查詢電話：2265 7599

日式炸蝦 $26 造型有別於一般飯糰，分量也屬重量級，用質感黏糯的北海道白米包裹着香脆炸蝦，口感Juicy又帶有鮮甜香氣。	五花豚肉飯糰 $24 招牌五花豚肉飯糰選用五花腩較瘦的部分入饌，口感軟腍又不會太肥膩，配合自家調製的醬油分外滋味。	免治雞肉 $22 每款餡料均由日籍師傅Otsuka製作，免治雞肉做法講究，先將雞肉剁成小粒，混合葱粒與海鹽製成飯糰，特製醬汁有提味作用。

夏威夷式三文魚生飯 $59 色彩繽紛的Poke Bowl近期大受歡迎，小店因應時令向不同批發商入貨，確保貨源充足又有品質保證，三文魚、飛魚子與中華沙律的配搭相當豐富。

新店面積雖小，但這間只有幾個座位的店子卻型格十足，一改飯糰店的舊有形象。