實體Z手環出絕招《Pokémon Sun/Moon》

大家仲喺街上面日以繼夜玩《Pokémon GO》？Out晒啦！家陣興玩全新任天堂3DS遊戲《Pokémon Sun/Moon》（中譯：《精靈寶可夢 太陽/月亮》），系列唔單止首次加入繁體中文版，最過癮係可以配對全新Z手環出招，畀訓練員可以更加投入對戰。
Z手環可裝上最多7粒Z純晶，不同顏色代表不同屬性，例如一般、火、水等。<br>售價：$180（淨Z手環）、$300（Z純晶套裝）
Z手環可裝上最多7粒Z純晶，不同顏色代表不同屬性，例如一般、火、水等。
售價：$180（淨Z手環）、$300（Z純晶套裝）

新增Z招式系統

《Pokémon Sun/Moon》屬於兩款遊戲，雖然遊戲背景同樣發生喺阿羅拉地區，不過遊戲時間相差12小時，所以遇到嘅精靈都唔一樣，而最大特色係新增Z招式系統，甚至能夠配合Z手環一齊玩。當使用Z招式時，Z手環就會閃燈、發聲，甚至會有震動效果，而Z手環上可安裝最多7粒不同屬性嘅Z純晶，唔同屬性發出嚟嘅聲效、紋章、震動頻率都各有不同，之後亦會陸續推出其他屬性的Z純晶，訓練員絕對要入手。

當使用新增嘅Z招式系統，Z手環就會有閃燈、發聲和震動效果，玩落更加投入。
  • 當使用新增嘅Z招式系統，Z手環就會有閃燈、發聲和震動效果，玩落更加投入。
《Pokémon Sun》（左）和《Pokémon Moon》（右）屬於兩款遊戲，遊戲時間相差12小時。<br>售價：各$370
  • 《Pokémon Sun》（左）和《Pokémon Moon》（右）屬於兩款遊戲，遊戲時間相差12小時。
    售價：各$370

撰文：黎子豪

攝影：胡振文

查詢電話：2153 1122