8.4吋MediaPad M3靚聲平板

買得平板電腦，梗係想用嚟睇片煲劇，不過屏幕夠大都要靚聲配合，Huawei新推出嘅MediaPad M3就能符合用家要求。其8.4吋屏幕支援2,560×1,600解像度，亮度及可視角度不俗之餘，更設有護眼模式，過濾藍光後雙眼睇得更舒服。而機身僅厚7.3mm、重310g，加上全金屬機身，單手拎機亦不太困難。音效方面則植入名廠AKM DAC晶片，獲得Harman Kardon認證，機身上下更設有喇叭提升音效質素。另一抵讚的地方是買機將附送H300入耳式耳機，並提供線控功能。順帶一提，其機面Home鍵同時支援指紋辨識功能，可透過不同輕觸方式，做到返回主頁、上一頁及最近使用程式功能，相當方便。