專家教路！兩招攝戰動感賽車

Pan鏡使用1/250s以下快門及連續對焦拍攝，就能令背景變成線性。

第一招：高速快門加連續對焦

影賽車嘅技巧主要分兩種，其一是使用高速快門配合追焦連拍，另一種係以Pan鏡追蹤主體。Richard指出：「直路嘅車速一般較快，需要用到1/1,000s以上快門，反而入彎時大多賽車會收油減速，以1/500s以上快門配合連續對焦，已足夠捕捉賽車。此外，賽道唔少位置會用鐵絲網隔住觀眾，建議將長鏡頭貼住鐵絲網去影賽車特寫，咁就冇咁易穿崩，再加埋背景和地標襯托來增添氣氛。」

第二招：Pan鏡營造線性背景

高速快門雖然能夠捕捉賽車身影，但缺點是欠缺動感，只係一張硬照，Richard續道：「想營造出動感效果，可使用1/250s以下快門加Pan鏡。假如賽車由右至左駛過，鏡頭就要跟住賽車右至左橫移，咁樣架車就會Sharp，背景則變成線性好似郁緊一樣。雖然快門愈慢Pan鏡效果會愈好，但有機會連部車都唔Sharp，故此需要預測行車路徑及多加練習來提高命中率。」

賽車在彎道的速度較慢，使用1/500s以上快門，便能將主體和背景凝固。	起步時可使用長鏡拍攝，多架賽車堆疊在一起，有強烈嘅壓迫感。	攝影達人Richard指觀眾席好多時會隔住鐵絲網，將鏡頭貼住鐵絲網影就唔會穿崩。

撰文：黎子豪（相片由受訪者提供）