iOS 10新功能秋季搶先升級

Apple WWDC蘋果全球開發商大會日前正式舉行，一如預期會上並未有任何新硬件推出，取而代之是以新一代watchOS、tvOS、macOS及iOS作主打，當中最受注目是全新iOS 10，引入鎖屏回覆短訊、對話框特效等新功能，預計秋季就有得升級！
iOS 10於短訊對話框可加入文字震動、即時繪圖等特效。
iOS 10於短訊對話框可加入文字震動、即時繪圖等特效。

互動內容提升

iOS 10可說將現有手機功能大幅增強，好似喺鎖屏介面上，用家毋須解鎖即可查閱及回覆訊息；而相簿就加入地點、人臉等辨識功能，仲引入Memories功能將相片自動分類及加入特效剪輯成短片。最有趣係短訊功能，用家輸入一段文字後，只需輕按指定文字即可將它變成表情符號，令內容更得意；同時設有對話框特效、手寫訊息等效果，玩味即時提升。

watchOS玩手寫

Apple Watch亦將換上全新watchOS 3，除了令速度有所提升，還加入控制中心設定靜音、飛行模式等功能，而且可透過Apple Watch以Scribble手寫中英文回覆訊息。至於電腦專用嘅OS X，將以新名字macOS Sierra示人，加入Auto Unlock功能，用家只需佩戴Apple Watch走近Mac裝置即可進行認證，免除輸入密碼的麻煩。Mac裝置亦將支援Apple Pay，可透過iPhone、Apple Watch進行付款認證，同場更宣布Apple Pay服務即將登陸香港，值得期待。

輸入一段文字後，只需一按指定文字即可將之變成表情符號。
  • 輸入一段文字後，只需一按指定文字即可將之變成表情符號。
macOS加入Auto Unlock，用家只需佩戴Apple Watch走近Mac裝置即可認證。
  • macOS加入Auto Unlock，用家只需佩戴Apple Watch走近Mac裝置即可認證。
iOS 10全新鎖頁介面，可顯示更多資訊及內容，並能直接回覆訊息。
  • iOS 10全新鎖頁介面，可顯示更多資訊及內容，並能直接回覆訊息。
watchOS 3加入Scribble功能，支援手寫中英文。
  • watchOS 3加入Scribble功能，支援手寫中英文。
tvOS不算有重大更新，但加入4個畫面同時播放功能。
  • tvOS不算有重大更新，但加入4個畫面同時播放功能。
香港資訊科技商會榮譽會長Francis
  • 香港資訊科技商會榮譽會長Francis

達人點睇

香港資訊科技商會榮譽會長Francis：「iOS 10有啲似Android，好似智慧型輸入可分析文字並存取機內個人資料，鍾唔鍾意就見仁見智。最特別要數Apple Pay登陸香港，我試咗幾張信用卡都暫時未用得住，估計要一、兩個星期才正式推出。不過今次iOS 10連iPhone 5都予以支援，估計iPhone 7未必有突破性嘅新功能。」

撰文：林子聰