睇波Goal招！55吋4K TV足球Mode挑機

歐國盃首場法國對羅馬尼亞如箭在弦，唔少波友已約實嚟機Gor屋企睇波。唔講唔知，原來不少新款電視都引進足球模式，不但優化畫質令球場綠草如茵，還能提升音效模擬現場真實感。今次一於以Samsung UA55KS7300和Sony KD-55X8500D，測試兩大廠嘅55吋4K TV，睇吓足球模式能否將綠茵場上嘅激戰氣氛帶返屋企。
Samsung UA55KS7300售價：$21,980（左）<br>Sony KD-55X8500D售價：$22,980（右）
Samsung UA55KS7300售價：$21,980（左）
Sony KD-55X8500D售價：$22,980（右）

Samsung UA55KS7300 升頻靚畫

機Gor同中環影音舖老友吹開水，佢話近排多咗人換電視，其實好多電視迷早已心癢升級4K TV，見歐國盃等大型體壇盛事殺埋身，多咗個理由實行換機大計。當中以Samsung新款55吋UA55KS7300最多人有興趣，用上3,840×2,160解像度10-bit量子點屏幕，睇波時不但球星清晰細緻，連球場草地都翠綠亮麗，仲支援升頻功能，可將網上串流片段自動提升至接近4K水平。

Samsung遙控器採用流線設計，無論選台或當滑鼠使用都咁方便。
  • Samsung遙控器採用流線設計，無論選台或當滑鼠使用都咁方便。
採用無框邊設計，配合超薄機身及簡約機背勁型仔。
  • 採用無框邊設計，配合超薄機身及簡約機背勁型仔。

規格表

屏幕尺寸：55吋

解像度：3,840×2,160

喇叭：40W

操作系統：Tizen

體積：122.5×71×4.43cm

重量：17.2kg

Sony KD-55X8500D顏色自然

Sony近期動作頻頻，出完旗艦級4K HDR TV又玩曲面電視，影音舖老友話Sony向來有班忠實粉絲支持，皆因畫質偏向自然，唔似韓國機咁多「味精」。當中Sony 55吋KD-55X8500D備有獨家TRILUMINOS Display調色盤功能，能精準地處理紅、綠及藍色，配合4K X-Reality PRO技術實時分析4K畫面每個部分，獨立處理對比、色彩和邊緣等，令畫質更細緻。

Sony新款遙控器設有Google Play及Netflix掣，一按即能上網。
  • Sony新款遙控器設有Google Play及Netflix掣，一按即能上網。
邊框厚度約10mm，備有黑、銀兩色邊框選擇。
  • 邊框厚度約10mm，備有黑、銀兩色邊框選擇。

規格表

屏幕尺寸：55吋

解像度：3,840×2,160

喇叭：10W×2

操作系統：Android

體積：123.1×71.7×4.4cm

重量：15.1kg

第一回合：鬥足球模式

日韓兩大廠都為新款電視加入足球模式，而且用法簡單，Samsung UA55KS7300只需於主畫面進入特殊收看選單即可揀體育模式，機Gor以網上4K足球比賽片段測試，開啟後球員奔跑、射波等動態畫面更流暢，配合「真緻黑」技術有效降低光線反射。最過癮係支援自動擷取精彩片段功能，當音量改變例如觀眾發出歡呼聲，或有球員入波時，會自動將片段儲存起來供日後觀賞。至於Sony KD-55X8500D亦可於畫質模式中設置運動Mode，另有鮮艷、專業影院、動畫及HDR影片等選擇，但畫質提升就不及前者咁明顯。

Win<br>Samsung UA55KS7300動態畫面流暢之餘，草地光暗對比及質感都很細緻，連球員波衫的花紋都清晰可見。
  • Win
    Samsung UA55KS7300動態畫面流暢之餘，草地光暗對比及質感都很細緻，連球員波衫的花紋都清晰可見。
Sony KD-55X8500D運動Mode嘅效果不算突出，但顏色自然冇味精，令現場感大增，睇得幾舒服。
  • Sony KD-55X8500D運動Mode嘅效果不算突出，但顏色自然冇味精，令現場感大增，睇得幾舒服。

第二回合：鬥音效臨場感

睇波要有氣氛，音效表現是關鍵一環，Sony KD-55X8500D在聲音模式中增設了實況足球選項，令觀眾歡呼聲和現場吶喊聲等真實感大大提升，配合S-Force PRO Front Surround技術分析並模擬環繞聲效果，令機Gor猶如置身球場一樣。而且內置Clear Phase喇叭高低音覆蓋全面，唔使加Soundbar都有不錯的音色。反觀Samsung UA55KS7300雖然都有足球模式提升音效，但現場試聽時無論清晰度及包圍感都不及對手，輸咗個身位。

有時睇波會出現聲畫不同步，觀眾歡呼聲好像慢了半拍，Samsung UA55KS7300便引進音訊延遲功能解決聲畫問題。
  • 有時睇波會出現聲畫不同步，觀眾歡呼聲好像慢了半拍，Samsung UA55KS7300便引進音訊延遲功能解決聲畫問題。
Win<br>Sony KD-55X8500D可透過實況足球選項來提升音場包圍感，配合隱藏式Clear Phase喇叭提升音色。
  • Win
    Sony KD-55X8500D可透過實況足球選項來提升音場包圍感，配合隱藏式Clear Phase喇叭提升音色。

第三回合：鬥上網玩法

網絡功能方面，Samsung UA55KS7300採用Tizen系統，能一邊睇電視，一邊在畫面下方操控Smart Hub平台，想睇YouTube、facebook甚至瀏覽網頁都很簡單。Sony KD-55X8500D則採用大路的Android系統，對Android手機用家無疑更得心應手，網絡菜單設有最新內容、娛樂、生活等分類，清楚易用，而且Apps選擇也較多，睇波中場或等開波時，玩吓足球遊戲Apps或瀏覽on.cc東網的體育新聞都很方便。

Samsung UA55KS7300可一邊睇電視一邊在畫面下方操控Smart Hub娛樂平台。
  • Samsung UA55KS7300可一邊睇電視一邊在畫面下方操控Smart Hub娛樂平台。
Win<br>Sony KD-55X8500D採用Android系統，首頁可看見多個欄目如精選應用程式等。
  • Win
    Sony KD-55X8500D採用Android系統，首頁可看見多個欄目如精選應用程式等。
AV Life店長 Herbert
  • AV Life店長 Herbert

AV Life店長 Herbert：「4K加HDR是主流！」

「來到2016年中，3D電視熱潮經已退卻，取而代之是支援HDR的4K電視。其實HDR能令影像顏色及光暗細節更清晰，雖然之前片源不足，但隨着UHD Blu-ray機陸續抵港，加上Netflix已推出HDR節目，令它成為電視界一大趨勢，如今次的Samsung UA55KS7300及Sony KD-55X8500D均已支援HDR功能，加上內置足球模式食正球壇盛事，可說是人氣之選。」

機Gor Report：Sony贏在Android易上手

講畫質，兩大電視廠都達業界頂尖水平，喜歡鮮色的話可揀Samsung，崇尚自然則可選Sony。雖然前者的UA55KS7300的足球模式較多功能玩，但在操作系統方面，機Gor始終傾向Android平台嘅KD-55X8500D，一來操作較為爽手，二來Apps選擇較多，深得我心。

機Gor Profile：機不離身，不信Spec只信測試，不扮高深，懶理低俗，貪新不忘舊。

查詢電話：2295 3398

撰文：機Gor