波鞋餐廳放閃 男人另類浪漫

「打波先嚟落雨！」A說。
（前）Kobe Burger $118、（後）Pauwei Kwak手工啤酒 $98<br>餐廳招牌漢堡，用神戶（Kobe）牛柳製作，亦語帶雙關跟高比拜仁（Kobe Bryant）扯上關係，加上法國鵝肝與黑松露醬更見邪惡，與麥味濃郁的比利時手工啤酒最Match。
（前）Kobe Burger $118、（後）Pauwei Kwak手工啤酒 $98
餐廳招牌漢堡，用神戶（Kobe）牛柳製作，亦語帶雙關跟高比拜仁（Kobe Bryant）扯上關係，加上法國鵝肝與黑松露醬更見邪惡，與麥味濃郁的比利時手工啤酒最Match。

「打機咪唔怕囉！」B拿着電玩手掣、雙眼未離開過螢幕。

「打機又點及得上親身落場咁過癮！」A語帶不屑地回應。

無錯，約齊成班Friend到街場打波，身水身汗再一齊坐低食飯吹水，這種男人的浪漫又豈是打機可以媲美？行雷閃電會出事，遇上落大雨一於轉場去旺角這間新餐廳，一班波友應該會坐到唔捨得走。

熱炒球鞋 風靡粉絲

男人的浪漫又點止豆腐火腩飯？只要籃球、足球、球鞋、手工啤酒、漢堡其中一瓣是你的興趣，就一定要去Snkrholic「浪漫」一番，因為這家兩層高的餐廳以球鞋為主題，大大隻波鞋Logo搶眼過鞋舖，還有以籃球鞋盒當牆紙，牆上的電視螢幕不停播放籃球賽片段，最搶眼莫過於用透明膠箱展覽着的Supreme × Air Jordan Retro V、Air Jordan VII Championship、Mastermind Japan × Reebok Insta Pump Fury、adidas NMD 2016等6款熱炒球鞋，頭頂的籃球場天花設計亦相當過癮，至於樓上的足球專區規模雖小，不過單與那件舊皇馬Full Team簽名球衣合照已呃唔少Like！

餐廳以籃球鞋盒作點綴，另外又展覽了6款特別版籃球鞋，不少路過的Fans都誤以為這裏是波鞋舖，雙眼發光走入來欣賞。
  • 餐廳以籃球鞋盒作點綴，另外又展覽了6款特別版籃球鞋，不少路過的Fans都誤以為這裏是波鞋舖，雙眼發光走入來欣賞。
除了炒價球鞋之外，餐廳的珍藏還包括掛在牆上的Kobe Bryant湖人簽名球衣，而藍球場天花的設計亦夠過癮。
  • 除了炒價球鞋之外，餐廳的珍藏還包括掛在牆上的Kobe Bryant湖人簽名球衣，而藍球場天花的設計亦夠過癮。
其中一款珍藏就是Supreme × Air Jordan Retro V，炒價超過$4,000。
  • 其中一款珍藏就是Supreme × Air Jordan Retro V，炒價超過$4,000。

放低電話 喚起回憶

講咗咁耐，應該以為店主是個超級球迷吧！點知老闆Kenny話：「我都鍾意但絕對唔係瘋狂Fans，主要係我個仔鍾意儲波鞋，你見到這6對珍藏則係其他波鞋迷借出，之後將會陸續加推其他鞋款，等Fans開吓眼界。」男人見到波鞋就好似女人見到手袋一樣盲目又瘋狂，採訪當日就目睹幾位老中青中外球迷以為餐廳是鞋舖，雙眼發光入來問價，Kenny對此早已見怪不怪。「其實我想借經典波鞋喚起大家落場打波的回憶，以前一班朋友約出來通常都係去球場打波踢波，然後食飯吹水直落，但現在很難約啱時間，即使見面也顧住各自玩電話，來到這裏就不怕沒有話題。」

樓上以足球為主題，這件有齊施丹、朗拿度、卡斯拿斯等舊皇馬球星簽名的球衣，簡直是珍藏中的珍藏，有錢都買唔到。
  • 樓上以足球為主題，這件有齊施丹、朗拿度、卡斯拿斯等舊皇馬球星簽名的球衣，簡直是珍藏中的珍藏，有錢都買唔到。
AJ Burger $88<br>漢堡以米高佐敦為主題，餡料包括有西班牙黑毛豬、英國煙肉與芝士通粉，配以烤菇、番茄、火箭菜感覺輕怡，佐以自家釀製的Snkrholic手工啤酒，清淡偏甜甚匹配。
  • AJ Burger $88
    漢堡以米高佐敦為主題，餡料包括有西班牙黑毛豬、英國煙肉與芝士通粉，配以烤菇、番茄、火箭菜感覺輕怡，佐以自家釀製的Snkrholic手工啤酒，清淡偏甜甚匹配。
扒春雞配黑松露燒汁 $108<br>選用半隻韓國春雞入饌，用啤酒醃製後散發淡淡麥香，啖啖肉又嫩滑可口，配黑松露醬及配菜來增添層次感。
  • 扒春雞配黑松露燒汁 $108
    選用半隻韓國春雞入饌，用啤酒醃製後散發淡淡麥香，啖啖肉又嫩滑可口，配黑松露醬及配菜來增添層次感。
餐廳搜羅了超過40款手工啤酒，除了德國、美國、比利時品牌外，甘蔗、花生醬、羅漢果味的本地出品口味亦極富特色。
  • 餐廳搜羅了超過40款手工啤酒，除了德國、美國、比利時品牌外，甘蔗、花生醬、羅漢果味的本地出品口味亦極富特色。

手工啤酒 選擇繁多

打完波最想食啲乜？梗係漢堡包、薯條再來多杯冰凍啤酒啦！因此餐廳主打西式小食，招牌漢堡更以Kobe及AJ命名，前者語帶雙關用神戶牛肉炮製，後者則以西班牙黑毛豬作餡料，Gimmick十足又色香味兼備，頗有驚喜。啤酒方面更具吸引力，因為店主見近年手工啤酒大行其道，就搜羅了本地、德國、美國、比利時等超過40款口味，餐牌更印有IBU（International Bittering Unit），指數愈高味道愈苦澀，花多眼亂唔知點揀不妨試試店家自釀的「Snkrholic」手工啤酒，散發着淡淡甘蔗甜味，相當容易入口。

Review

環境氣氛：3.5★（以5★為滿分）

好味指數：3.5★

必試推介：Kobe Burger、AJ Burger

人均消費：$200

地址：旺角煙廠街31號地下

查詢電話：2387 9828

撰文：楊雅菁

攝影：陳富權