跟住達人去航拍Typhoon H翱翔港島

航拍機愈來愈易上手，連農村阿婆都識得用航拍機嚟趕雀仔。雖然香港有唔少航拍玩家，但可供暢玩嘅地點就唔係咁多人知，今次一於請航拍導師Lock Sir，利用新一代4K無人機Yuneec Typhoon H，帶大家飛盡港島三大航拍熱點。
Typhoon H 售價：$10,080
Typhoon H 售價：$10,080

摩星嶺俯瞰市區

小記同Lock Sir駕車嚟到摩星嶺青年旅舍，行約5分鐘便可到達航拍目的地，可能各位都曾經嚟過摩星嶺影相或者玩War Game，其實這裏有一大片草地，適合新手放無人機。

Lock Sir表示：「只要飛得高過矮樹，便睇到港島西及西南面嘅海景，接近黃昏時間仲可睇到日落。加上呢度草地夠大，附近亦沒有民居或信號干擾，最大問題係夏天比較多蚊。」由於Typhoon H起落支架能夠升起，故此鏡頭可拍攝360度全景，配合三軸雲台設計，只要飛到上天轉動鏡頭就可以影到四周景色。

摩星嶺山上坐落多座發射塔，航拍時要盡量遠離。
  • 摩星嶺山上坐落多座發射塔，航拍時要盡量遠離。
機身前面有兩個超聲波鏡頭，遇到障礙物時會於約2米前停低。
  • 機身前面有兩個超聲波鏡頭，遇到障礙物時會於約2米前停低。
CGO3+鏡頭雲台提供4K拍片功能，而且支架能夠收起避免入鏡。
  • CGO3+鏡頭雲台提供4K拍片功能，而且支架能夠收起避免入鏡。
從摩星嶺上空可拍到城市和背後海域，前景更有樹林和發射塔點綴。
  • 從摩星嶺上空可拍到城市和背後海域，前景更有樹林和發射塔點綴。

西環西寧街遠眺ICC

去完摩星嶺，再落山往西環西寧街，穿過球場就到達第二個航拍景點，這裏可遠眺昂船洲大橋，Lock Sir表示：「民航處規定，維港兩岸唔畀放無人機，不過西隧口以西嘅方向就冇限制，加上西寧街夠僻靜，對住個海冇咩大船經過，只要將無人機向九龍方向飛大約50~60米高度，就能夠遠眺ICC等建築物。惟要留意對面嘅島嶼有時會聚居大量季候鳥，建議玩家應遠離鳥群，避免同雀鳥一齊飛。」由於要飛出海面，航拍機的續航力一定要強，Typhoon H支援25分鐘連續飛行時間，配合1.5公里圖傳功能，啱晒呢啲環境使用。

西環西寧街對面就係青洲島嶼，要小心有時會有一大群雀鳥。
  • 西環西寧街對面就係青洲島嶼，要小心有時會有一大群雀鳥。
電量擁有5,400mAh，可以不停咁飛25分鐘，續航力強。
  • 電量擁有5,400mAh，可以不停咁飛25分鐘，續航力強。
ST16遙控器操作專業，而且7吋屏幕畫面清晰。
  • ST16遙控器操作專業，而且7吋屏幕畫面清晰。
從西寧街上空會見到對岸ICC，再飛出去甚至可望到會展等。
  • 從西寧街上空會見到對岸ICC，再飛出去甚至可望到會展等。

數碼港遙望南丫島

跟住嚟到數碼港，有一大片空地能夠放航拍機，前面有無敵海景，後面有貝沙灣。Lock Sir指出：「數碼港唔單止可睇到對面嘅南丫島，甚至能夠飛過去，不過要注意風向、電力等問題。此外，數碼港嘅建築物幾有特色，大家不妨飛高時將鏡頭Tilt Down望番落去。要留意呢度風勢有時頗強，起飛和降落時容易翻機，亦要注意呢度有唔少釣魚和遛狗人士，要確保起飛和降落時5米範圍內冇人，以及盡量避免飛近民居。」Typhoon H用上六軸設計，比起一航四軸機更穩定，就算試拍時遇上強風都唔使怕。

雖然數碼港鄰近貝沙灣，但千祈唔好飛近民居。
  • 雖然數碼港鄰近貝沙灣，但千祈唔好飛近民居。
六軸設計唔單止比四軸機穩定，而且六槳能夠摺疊收藏。
  • 六軸設計唔單止比四軸機穩定，而且六槳能夠摺疊收藏。
Typhoon H具備環繞拍攝、拉Wide自拍、自訂航道等多種智能模式。
  • Typhoon H具備環繞拍攝、拉Wide自拍、自訂航道等多種智能模式。
從上空Tilt Down鏡頭望落去數碼港，可睇到區內獨特建築。
  • 從上空Tilt Down鏡頭望落去數碼港，可睇到區內獨特建築。
航拍導師Lock Sir
  • 航拍導師Lock Sir

Lock Sir教路：「六軸摺疊便攜！」

今次以Typhoon H試飛港島3個景點，由於CGO3+鏡頭能夠攝錄4K@30fps或1,080@120fps影片，配合內置Android系統嘅ST16遙控器，以7吋屏幕可見到清晰畫面。Lock Sir稱：「Typhoon H最特別係六槳能夠摺疊起來，易於收納和攜帶。而且機身加入超聲波避障功能，當前方有障礙物時會自動懸停，不會繼續向前飛；加上遙控器支援HDMI插頭，可接駁大芒預覽影像。」

撰文：黎子豪

攝影：胡振文

查詢電話：2796 8723

網址：www.windrider.com.hk