仲有5日！Dragon Quest 30周年異獸變

嚟緊嘅5月27日係咩大日子？咪就係《Dragon Quest》（港譯：勇者鬥惡龍）30周年紀念！Square Enix為慶祝遊戲踏入30個年頭，特別定於其生日當天推出新作《Dragon Quest Heroes II雙子之王與預言的終結》，仲邀請到藝人山田孝之拍攝搞笑宣傳片。今集最大特色是召喚怪獸嘅方法改由玩家直接變身，加埋熟悉嘅登場角色、有趣嘅冒險和轉職流程等，DQ粉絲冇理由唔捧場！

《Dragon Quest Heroes II雙子之王與預言的終結》售價：$468（PS4）、$398（PS Vita）

武井咲聲演女主角

玩得《Dragon Quest Heroes》系列，劇情堅唔係重點，最重要係能與經典角色和怪獸重逢，好似呢集故事講由傑比翁主導嘅七大國，當中人類和怪物統治的兩國再起爭端，聽落冇乜驚喜，但由鳥山明操刀的角色設定已夠號召力，尤其是女主角德蕾希亞，搵嚟人氣女星武井咲聲演；而茲札爾王子更由山田孝之配音，卡士夠勁！不得不提歷代參戰角色，今集就有《DQ7》馴獸師加布、《DQ4》武器商人特魯內克等，連上集收錄嘅角色都有得用，粉絲肯定冇投訴。

直接變身怪獸

記得上集遊戲加入金幣召喚系統，玩家可利用敵人掉下的金幣召喚怪獸幫拖。今集呢個系統進一步優化，追加變身怪獸功能，換言之玩家使用金幣召喚魔物時，角色就會變成怪獸模樣，還可以發動相應技能，如巨像哥雷姆可施展埋身技「用力擊破」等，玩法更富趣味。此外，今集終於加回原野冒險部分，玩家在抵達目的地前會隨機遇上敵人，甚至可進入迷宮刷寶，令玩法更像傳統RPG。

人氣女星武井咲聲演女主角德蕾希亞，宅男必Like。

山田孝之早前為遊戲拍攝了搞笑宣傳片。網址：https://www.youtube.com/watch?v=Tu8kLcm_mlo

山田孝之早前為遊戲拍攝了搞笑宣傳片。網址：https://www.youtube.com/watch?v=Tu8kLcm_mlo

直接變身成巨像哥雷姆可施展埋身技「用力擊破」。

High Tension出絕招

至於戰鬥系統，前作的同伴隊形玩法和隊伍技能依然保留，玩家可透過切換角色不斷扣Boss血量，儲存絕招發動High Tension系統，當進入此狀態下角色會泛起粉紅光芒，這時便可出絕招連技擊殺Boss。今集還提供轉職選項，讓玩家反覆學習其他職業的技能，例如身為戰士的角色拉傑爾，可學習僧侶的回復招式等，若職業的熟練度夠高，還可轉至上位職業，如戰士變成戰鬥大師等，角色的能力參數會相應提升，打怪自然更爽手！