浪漫七式　Gadgets冧女神

今年嘅情人節同年初七「人日」孖住嚟，咁有意義嘅日子，梗係要花啲心思諗橋冧對方。無論喺屋企二人世界、去情侶Cafe或拍拖漫步，活用身邊唔同類型嘅Gadgets，定能令浪漫氣氛升溫，讓各位過一個最Sweet嘅情人節！
幫女神戴上DIY禮物仲唔冧爆？
幫女神戴上DIY禮物仲唔冧爆？

甜蜜蝸居節目

情人節唔想出街同人逼？留喺屋企一樣可以溫馨度過，仲可親手做份小禮物畀對方。

第一式：DIY立體禮物

「鑽石與黃金，唔及我一片真誠與真心。」不少女士寧願收到手作禮物多過名貴鑽石和包包，爭在男士肯唔肯花心思啫。若各位怕麻煩的話，大可利用3Doodler 2.0 3D立體筆，它有超過60種顏色物料，只要慢慢唧出物料，花少少心機和創意便可堆疊成不同造型，簡單寫下立體嘅甜蜜語句又得，製作得意嘅后冠和手袋裝飾亦得，得咗！

第二式：攬住睇電視

幸福有時可以好簡單，攬住心愛嘅人一齊睇電視已覺溫馨甜蜜，大可整番部Le TV Box PRO樂視盒子，內置大量劇集同娛樂內容，依家買機仲送6個月免費「樂迷99狂睇組合」，女士可以睇愛情片，男士可以睇波，一舉兩得。

第三式：遙距傳情歌

肉麻嘅說話總係難以啟齒？不如以歌傳情啦！KEF MUO流動喇叭內置藍芽、NFC功能，配對後可以喺屋企四圍播情歌，加上支援Dual­ Connect派對模式，可將兩部MUO同步串流播放，最重要係新出咗瑰麗紅色，女士必Like。

3Doodler 2.0 3D立體筆有超過60款不同配色物料，簡單易用。<br>售價：$899（a）
  • 3Doodler 2.0 3D立體筆有超過60款不同配色物料，簡單易用。
    售價：$899（a）
用立體筆寫下情深說話，甚至自製后冠和手袋都得。
  • 用立體筆寫下情深說話，甚至自製后冠和手袋都得。
情人節唔想出街，喺屋企睇電視一樣咁Sweet。
  • 情人節唔想出街，喺屋企睇電視一樣咁Sweet。
一齊睇Le TV Box PRO樂視盒子嘅娛樂及體育節目，舒舒服服過一天。<br>售價：$599（b）
  • 一齊睇Le TV Box PRO樂視盒子嘅娛樂及體育節目，舒舒服服過一天。
    售價：$599（b）
將喇叭放喺門口，播住冧歌迎接BB。<br>售價：$2,880（c）
  • 將喇叭放喺門口，播住冧歌迎接BB。
    售價：$2,880（c）

Cafe約會互動

年輕情侶拍拖時想坐低飲嘢，去Cafe是常識吧。一邊傾偈一邊玩Gadgets，合照打卡後即刻印埋張相出嚟，羨煞旁人！

SELPHY CP1200備有黑、白、粉紅色機身選擇，外形吸引。<br>售價：$1,380（d）
  • SELPHY CP1200備有黑、白、粉紅色機身選擇，外形吸引。
    售價：$1,380（d）
用手機連接後可即時印相，相片質素仲幾好添！
  • 用手機連接後可即時印相，相片質素仲幾好添！
Samsung Gear S2提供多款錶面讓用家自行更換。
  • Samsung Gear S2提供多款錶面讓用家自行更換。

第四式：即影即印貼紙相

情侶用手機合照完掟上facebook和Instagram當然未夠，最好梗係Print埋出嚟有相喺手。SELPHY CP1200便攜打印機支援Wi-Fi功能，只需下載專用App，便能將手機內的相片，無線傳至打印機印相。機身支援6種打印類型，包括明信片尺寸、正方形貼紙等，自製浪漫貼紙相留下回憶話咁易。

透過智能手錶互傳訊息，唔使靠手機都可傳送情話。<br>售價：$2,588/各（e）
  • 透過智能手錶互傳訊息，唔使靠手機都可傳送情話。
    售價：$2,588/各（e）

第五式：SmartWatch情話綿綿

喺Cafe講肉麻嘢怕被人聽到？大可透過SmartWatch傳情，以Samsung Gear S2智能手錶為例，除了可換上不同錶帶和錶面，只要預先與手機配對，便可以喺錶上互傳訊息及Emoji，用綿綿情話打動對方。但當然首先你要預備定這情侶錶作禮物啦！

拍拖漫步分享

情人節飲飽食醉過後，想拖手仔散吓步，此情此景已經冧爆，若想再增添氣氛，不妨共享Love Songs，分甘同味甜在心。

Urbanears出品的Humlan及Plattan Adv耳機有多款配色選擇，喺公園Hea住聽歌幾咁Sweet！<br>售價：$449（Humlan）、$499（Plattan Adv）（f）
  • Urbanears出品的Humlan及Plattan Adv耳機有多款配色選擇，喺公園Hea住聽歌幾咁Sweet！
    售價：$449（Humlan）、$499（Plattan Adv）（f）

第六式：耳機齊聽歌

行到公園一邊聽歌一邊欣賞美景都幾寫意。原來連情歌都可以一齊分享，只要用Urbanears出品嘅Humlan及Plattan Adv耳機即可，皆因耳機設有兩個3.5mm插口，可互相連接起來，一個音樂播放器或手機便可齊齊聽歌，二人即時變咗「連體嬰」幾咁Sweet！

thecoopidea SLIM Power Bank機面採用皮物料，可兩部機一齊充電。<br>售價：$399（g）
  • thecoopidea SLIM Power Bank機面採用皮物料，可兩部機一齊充電。
    售價：$399（g）

第七式：「一叉二」回電

玩咗成日Gadgets嘅電池用得七七八八，呢個時候得一個充電器點算好？thecoopidea SLIM Power Bank充電器內置8,000mAh電池及USB線材，另提供一個USB插口，換言之可同時為兩部手機或隨身裝置充電，女友肯定冇投訴。

撰文：林子聰　

攝影：張錦昌

模特兒：Michelle、Cyrus

查詢：

（a）2818 4444

（b）hk.shop.letv.com

（c）2877 1778

（d）3191 2333

（e）3698 4698（f）2577 2599

（g）2553 1151