18.4吋板王GALAXY VIEW多面睇

農曆新年就快到，親朋戚友來拜年，屋企唔多唔少要做番啲準備。三姑要追劇，表哥要打機，表妹要趕功課，點算好？Samsung超級平板Galaxy View將於1月29日抵港開賣，18.4吋巨芒用嚟煲劇、玩遊戲或文書處理都應付自如，而且定價$4,598，仲平過同廠旗艦手機呢！
流動睇驗！<br>想拎住平板周圍走的話，機背特設手柄，可抽起部機帶出街使用。
流動睇驗！
想拎住平板周圍走的話，機背特設手柄，可抽起部機帶出街使用。

大過iPad Pro

Samsung於去年德國IFA展覽發表Galaxy View，當時此機以巨無霸身形吸引眾人目光，輾轉數月終於抵港開賣。實物所見其屏幕足足有18.4吋，外形比12.9吋屏幕嘅對手iPad Pro大得多，但厚度仍能維持11.9mm，與其說它是平板，倒不如說它是超薄流動屏幕更為恰當。雖然重量有2.7kg，但廠商細心地在機背加入手柄，單手拎機便可帶去朋友屋企拜年。

雙向支撐架

18.4吋屏幕夠大，但解像度只有1,920×1,080，幸好小記實測睇相播片時，顏色鮮明且味精感不強，放大「聞相」也沒有狗牙出現，最重要是可視角度高，成班朋友圍埋都睇得清楚。為顧及不同使用情況，廠商特意為它加入雙向支撐架，既可垂直觀看，又能水平擺放；惟留意支撐架只有兩個形態調校，若能容許用戶調校角度就更人性化了。

串流追劇！<br>18.4吋巨芒用來睇片流暢自然，色彩鮮艷度適中，唔使再同屋企人爭電視。
  • 串流追劇！
    18.4吋巨芒用來睇片流暢自然，色彩鮮艷度適中，唔使再同屋企人爭電視。
巨芒打機！<br>以同廠手掣Wireless Gamepad駁住平板打機，感覺似足喺電腦玩一樣。
  • 巨芒打機！
    以同廠手掣Wireless Gamepad駁住平板打機，感覺似足喺電腦玩一樣。
特設雙向支撐架，讓用家以橫或直使用平板。售價︰$4,598
  • 特設雙向支撐架，讓用家以橫或直使用平板。售價︰$4,598

預載睇片程式

硬件方面，新機配備1.6GHz八核心處理器、2GB RAM，運行Android 5.1.1中規中矩，一般上網、煲劇應付自如。說到煲劇，其5,700mAh大容量電池足夠運作8小時，同時預載了《Media Scroll》程式，網羅myTV、Viu、Netflix等中外劇集，戲迷實冇投訴！針對機迷還內置《S Console》綜合程式，搜羅賽車、射擊等超過100款遊戲，部分更對應專用手掣，打機勁有Feel！

機身不設後置鏡頭，前置鏡頭備有210萬像素畫質。
  • 機身不設後置鏡頭，前置鏡頭備有210萬像素畫質。
可接駁無線滑鼠及鍵盤，將它當成電腦使用。
  • 可接駁無線滑鼠及鍵盤，將它當成電腦使用。
只設3.5mm Audio、microUSB及電源介面，設計簡約。
  • 只設3.5mm Audio、microUSB及電源介面，設計簡約。
《S Console》搜羅賽車、射擊等超過100款遊戲。
  • 《S Console》搜羅賽車、射擊等超過100款遊戲。
預載《Family Square》程式，綜合處理全家人的相片。
  • 預載《Family Square》程式，綜合處理全家人的相片。

規格表

處理器︰1.6GHz八核心

屏幕︰18.4吋（1,920×1,080解像度）

鏡頭︰前置210萬像素

記憶體︰2GB RAM、32GB ROM、支援microSD

電池容量︰5,700mAh

作業系統︰Android 5.1.1

體積︰451.8×275.8×11.9mm

重量︰2.7kg

撰文、攝影：陳志滔

查詢電話︰3698 4698