提起近日很多朋友趕在年底成婚，阿A說早前也為新婚死黨做兄弟。他說：「想起嗰套兄弟團裝，真係唔知好嬲定好笑。」
我問：「兄弟團裝差起上嚟，真係可以好醜怪。」阿A答：「咁又點都唔差得過黄曉明嗰啲。」是的，那個充滿殯儀風情的兄弟團裝，已成為華人婚禮文化的最低指標，難以在市面找到更差的款式。
據阿A的形容，其兄弟團裝是白恤衫、花花煲吠、圖案馬甲再配黑色西褲，驟聽起來雖不至於品味高超，但亦不見得有任何行差踏錯，四平八穩、毋須太靚、避免搶去新郎風頭，應該可以順利過關吧。但阿A笑到合不攏嘴地說：「衰在嗰套兄弟團裝太過似酒店服務員。」
碰巧阿A的死黨在酒店宴會廳舉行婚禮，其兄弟團裝立即與四周環境襯到絕。我笑問：「好多親友向你們點蝦球伊麵嗎？」阿A笑答：「咁又冇，我哋衰在經常喺酒店範圍走上走落，令好多酒店出入嘅人都向我哋問哩問路。」
兄弟們被人問得最頻密的問題是「廁所喺邊度」，其次「XX餐廳喺幾多樓」、「YY宴會廳由邊度去」，最惹笑的是一位老婆婆拿着現鈔問其中一位兄弟：「你幫我暢散啲大紙佢。」他說對不起幫不上忙，老婆婆立即收起慈祥換上惡臉大駡：「吓？你哋咁大間酒店，暢散紙都話唔得？你有冇搞錯！究竟點做嘢o架你？」那位兄弟為免惹麻煩，無聲退下。
網址：www.chan-wai.com