Traveler系列輕裝碳纖腳架

以輕盈穩重為賣點嘅Gitzo新一代Traveler系列腳架，特別用上高強度Carbon eXact碳纖腳管，相比舊版更硬淨穩定，而經過改良的四截腳管鎖可以升得更高，簡直係輕裝絕配。新Traveler系列不僅具有1、2號三腳架和單腳架，最大驚喜係加入新成員，就係淨重0.9公斤嘅0號三腳架。唔好睇佢外形纖瘦，其實足夠承托10公斤攝影器材，可供單反加長炮使用。隨腳架附送一條靚仔嘅皮裝肩帶，提供兩種攜帶模式。此外，廠方帶來Size纖巧嘅全新中線球形雲台系列，用上二硫化物材料塗層，優點在於低阻尼，令球體轉動時更流暢。