NAO街舞表演 創意入屋

日本SoftBank收購法國生產商Aldebaran後，去年研發出NAO機械人，今年初火速殺入香港，惟初期多作教學和編程用途，直至近日終於「入屋」，讓各位買返屋企慢慢玩，除了可叫佢做單腳企等動作，連跳舞、耍太極都難唔倒佢。它備有25個關節位，包括頭部、手肘、手指、膝頭等，一雙耳朵為喇叭，頭頂更內置收音咪。用家可透過《Choregraphe》電腦軟件，簡單為它編寫跳舞動作。若各位想親身睇NAO跳舞表演的話，今個周末有機會啦！銅鑼灣Fashion Walk將於9月19~20日（3:00pm~6:00pm）舉行活動，屆時一眾NAO機械人會於百德新街表演街頭舞蹈，仲會同專業Dancers現場「鬥舞」，詳情可留意網址www.fashionwalk.com.hk。