瀛Phone戲水攝力對決

近排最Hit嘅話題一定係iPhone 6s，不過iPhone嘅死穴始終係唔識防水，眼見老友拎住iPhone出海影相和上網時，又驚入沙又怕入水，計機Gor話齋不如換部防水手機仲爽快。今次以同屬日系防水機款的Sony Xperia M5 Dual同DoCoMo SH-02G比併，前者擁有2,150萬像素鏡頭，後者植入F1.9光圈Ricoh GR認證鏡頭，睇吓邊部攝力最強！
Xperia M5 Dual售價：$3,698（a）<br>DoCoMo SH-02G售價：$3,480（b）
Xperia M5 Dual售價：$3,698（a）
DoCoMo SH-02G售價：$3,480（b）

Xperia M5 Dual搶眼閃金

Sony近日發表Xperia Z5系列旗艦機，首玩4K芒固然令人期待，但預計售價六七千元走唔甩，論性價比始終M系列更吸引。其實早年Xperia M、M2 Aqua、M4 Aqual Dual先後登場，今次測試的M5 Dual沿用OmniBalance設計，不過配色更加大膽，用上金色加拋光處理，在燈光照射下極之搶眼。

DoCoMo SH-02G幼邊大芒

有留意日系水貨手機嘅玩家都知，「SH」字頭嘅手機代表出自Sharp手筆，今次測試嘅SH-02G仲係Disney別注版，機身印有米奇Icon，內有大量專屬內容，鍾意旗下卡通人物嘅用家定難以抗拒。新機採用招牌EDGEST幼邊技術，屏幕左右及上方的邊框激幼，5.5吋屏幕佔機面總面積達81%，視野極廣。

M5 Dual機背鏡頭達2,150萬像素，屬防水機中像素最高。
  • M5 Dual機背鏡頭達2,150萬像素，屬防水機中像素最高。
引入無蓋式microUSB插口，唔使掩蓋都可防水。
  • 引入無蓋式microUSB插口，唔使掩蓋都可防水。
SH-02G附送迪士尼Icon的水晶防塵塞，仲識得發光。
  • SH-02G附送迪士尼Icon的水晶防塵塞，仲識得發光。
SH-02G主鏡頭支援1,310萬像素及F1.9大光圈，並獲Ricoh GR認證。
  • SH-02G主鏡頭支援1,310萬像素及F1.9大光圈，並獲Ricoh GR認證。

第一回合：鬥濕水操控

話明要帶出海玩，梗係要測試吓兩款手機嘅防水能力。M5 Dual支援IP68防水標準，可以喺1.5米水深使用30分鐘；SH-02G則支援IPX7防水規格，可以喺1米水深使用30分鐘，正常玩水夠用有餘。齋鬥規格當然未夠，機Gor喺屏幕濕水嘅情況下操作，發現兩機都會因表面嘅水珠而影響篤芒準確度，當中以SH-02G較為明顯，一定要抹乾屏幕先用到；而M5 Dual就算有水珠喺表面都可近乎正常操作。順帶一提，兩機均引入無蓋式microUSB插口，充電時唔使開蓋咁麻煩。

M5 Dual濕水後以《繪圖》程式寫字都冇問題。
  • M5 Dual濕水後以《繪圖》程式寫字都冇問題。
SH-02G畫面跳動較明顯，濕水後連撥頁都有困難。
  • SH-02G畫面跳動較明顯，濕水後連撥頁都有困難。

第二回合：鬥影相畫質

享受陽光與海灘梗係要留下倩影，M5 Dual備有2,150萬像素鏡頭，勁在首次植入Hybrid AF混合式對焦系統，對焦速度快至0.25秒，連前置鏡頭都有1,300萬像素，自拍質素有保證。而SH-02G擁有1,310萬像素F1.9大光圈鏡頭，仲獲得Ricoh GR認證，機Gor實拍時發覺成像質素一樣咁銳利細緻。不過M5 Dual機側有實體快門鍵，Snapshot就手啲，仲有AR效果、AR面具等拍攝模式，論玩味稍勝一籌。

M5 Dual可為人臉加入AR面具等效果，玩味滿Fun。
  • M5 Dual可為人臉加入AR面具等效果，玩味滿Fun。
SH-02G冇咁多嘢玩，但勝在相片質素夠實淨。
  • SH-02G冇咁多嘢玩，但勝在相片質素夠實淨。

第三回合：鬥效能Gimmick

效能方面，M5 Dual搭載MediaTek MT6795八核心處理器，而SH-02G則用上Snapdragon 801四核心處理器，《AnTuTu》測試中，後者以逾40,000分稍為領先，加上Qualcomm出品的穩定性較有保證，機Gor投SH-02G一票。至於其他功能，M5 Dual支援雙卡雙待並兼容中港4G網絡，啱晒成日周圍飛嘅用家；而SH-02G機身左右設有LED之餘，連介面邊位都識發光，幾時都咁注目！

Xperia M5 Dual支援雙卡雙待，仲兼容中港4G網絡。
  • Xperia M5 Dual支援雙卡雙待，仲兼容中港4G網絡。
SH-02G機身多個位置都識發光，日系機設計確實有心思！
  • SH-02G機身多個位置都識發光，日系機設計確實有心思！
SH-02G（右）於《AnTuTu》獲得40,726分，比M5 Dual（左）的39,406分為高，效能稍稍佔優。
  • SH-02G（右）於《AnTuTu》獲得40,726分，比M5 Dual（左）的39,406分為高，效能稍稍佔優。
三禾電氣店長Simon
  • 三禾電氣店長Simon

達人教路：三禾電氣店長Simon表示：「防水要注意！」

「近年新款防水手機都引入無蓋式microUSB插口，所以充電時一定要檢查有冇抹乾水，以免出現漏電或短路。用家亦要留意，一般防水手機其實只能抵禦浸水或濕水，若然用家以高水壓的水喉或者水柱直射機身按鍵等位置，有機會導致機身入水。」

機Gor Report：三千多元定價吸引

Xperia M系列雖然屬中階機款，但今次M5 Dual誠意十足，尤其是前後鏡頭都升級，令自拍及Snapshot畫質得以強化。而外形則跟足同廠Z系列設計，單靠新引入嘅金色未必能吸引用家。至於SH-02G機身設計做得相當好，仲有撒手鐧迪士尼內容，最重要係比剛推出時大幅減價，三千多元就買到日系旗艦機，性價比即時飆升；唯一問題係冇中文介面，要睇各位慣唔慣英文介面啦！

Xperia M5 Dual規格表

制式︰GSM、WCDMA、LTE

處理器︰MediaTek MT6795 2GHz八核心

記憶體︰3GB RAM、16GB ROM、支援microSD

屏幕︰5吋（1,920×1,080解像度）

鏡頭︰（前置）1,300萬像素、（後置）2,150萬像素

電池容量︰2,600mAh

作業系統︰Android 5.0

體積︰145×72×7.6mm

重量︰142.6g

DoCoMo SH-02G規格表

制式：GSM、WCDMA、LTE

處理器：Qualcomm Snapdragon 801 2.3GHz四核心

記憶體：2GB RAM、32GB ROM、支援microSD

屏幕：5.5吋（1,920×1,080解像度）

鏡頭︰（前置）210萬像素、（後置）1,310萬像素

電池容量︰3,300mAh

作業系統：Android 4.4

體積：141×76×8.9mm

重量：159g

機Gor Profile

機不離身，不信Spec只信測試，不扮高深，懶理低俗，貪新不忘舊。

撰文：機Gor

查詢電話︰（a）8203 8863、（b）2374 0618