爸爸,開水撥!

「爸爸,今日落雨,開車記得開水撥睇清楚路呀!」「如果落雨,你影低水撥(影片)畀我睇啦!」不知何時開始,小兒4歲人仔忽然總愛下雨天。

坐車時,只要幾點雨水就嚷着要開水撥,每當兒子看着水撥機械式有規律地左右擺動,就會發出天真爛漫的格格笑聲,何解如此開心?實在摸不着頭腦,總之令車廂瀰漫着歡笑。平日,他甚至會舉起一雙小手臂,猶如水撥般擺動。旁人看見還以為他在運動。

最近,他對指揮燈產生了興趣,每次轉彎,總搶先一步說:「爸爸,打左燈。」或「爸爸,打右燈。」泊位入後波更會說:「爸爸,打兩盞燈(死火燈)。」每次出聲都很準繩,如果由他駕駛,應不會打錯燈,而且打燈工作做到足,相信長大後,會是一名盡責任的駕駛者,儘管兒童與駕駛車輛還有一段漫長的日子,但係自小有良好的教育,切線或轉彎不打燈提示的場面,應該不常見了。

還有兩個多星期是中秋節,無論是與愛侶或家人度過,最好係揸車出外慶團圓,想搵車就要睇《汽車世界》特別號,要情侶雙座有Mazda MX-5、要型有Audi TTS Coupe quattro、想一家人坐就有Toyota Spade及Volkswagen Touran GT Lifestyle Edition,不難找到心頭好吧。

朱志華