電視盒子娛樂劇鬥

機Gor有時見到啲免費電視台嘅節目質素，都唔知好嬲定好笑，如果有更多選擇梗係好啦！其實最簡單嘅方法係為電視加裝TV Box，一插即時升級。機Gor自己就用開Apple TV睇片租劇，聽場內老友講，Letv近期推出支援4K兼有香港UI嘅Le TV Box PRO樂視盒子，究竟邊隻盒子好用？即刻去片！

Le TV Box PRO售價：$599（送樂迷99狂睇組合6個月）<br>Apple TV售價：$548

Le TV Box PRO售價：$599（送樂迷99狂睇組合6個月）
Apple TV售價：$548

Le TV Box PRO 節目任睇

Letv近年好努力咁拓展香港市場，早幾日喺電腦節大出風頭，機Gor都唔懷疑佢出港版Le TV Box PRO樂視盒子嘅誠意。對比大多只得簡體中文介面嘅「國產」盒子，新機換上繁體中文介面，有勁多綜藝、劇集同娛樂內容。場內老友話樂視盒子內置Cortex-A9四核處理器、8GB儲存空間，並對應4K超高清輸出，同級產品冇得比。依家買機仲包6個月免費「樂迷99狂睇組合」，之後想睇的話就要額外畀$99/ 月。

Apple TV 平租猛片

相信唔少果粉同機Gor一樣用開Apple TV，佢最大嘅好處係接駁簡單，只需經HDMI連接電視並輸入Apple ID就搞掂。機Gor成日用佢嚟租片睇，只需畀幾十蚊就可以睇高清嘅荷里活猛片，足不出戶睇好戲；不過音樂仍然只播到已購買嘅iTunes音樂，如果之後可以升級Firmware玩埋Apple Music就正。猶記得Apple TV初出時賣成七百幾元，之後不斷落價，依家官方定價已降至$548，更加抵玩。

樂視盒子加入LAN插口，特別為4K串流而設計。	提供日本最新動漫節目如《噬神者》。	Apple TV提供的連接介面包括LAN、HDMI等。
搜尋YouTube片還算方便，系統會自動升級最新選項。

第1回合：鬥內容選項

樂視盒子跟Apple TV的消費模式大有不同，所提供的內容亦有差異。前者的綜藝、音樂、劇集等內容非常齊備，節目亦比較中國化，如自家製作的《G.E.M.演唱會》拍得幾靚，另一方面有4K內容和動漫頻道，大人細路都啱睇。後者主要以歐美內容為主，備有Bloomberg TV等免費頻道，另可選擇收看最新電影預告片，甚至可以租賃或購買高清荷里活片，以《Fast & Furious 7》為例，租戲費用為$38，購買則需$158，一家大細齊齊睇其實幾抵。

Draw 樂視盒子提供4K娛樂內容，口味比較中國化。	備有不少自家製作內容，如《G.E.M.演唱會》拍得幾靚。	Apple TV提供不少電影及音樂選擇，口味偏向西方。
以Apple TV試播《Fast & Furious 7》非常順暢。

第2回合：鬥輸出操控

從牌面上看，樂視盒子具備4K輸出，比只有1,080p全高清畫質的Apple TV優勝。而且樂視盒子有4K內容供串流，機Gor用佢駁住4K電視睇片，畫質真係零舍細緻。值得留意是串流4K影片需要較大網絡頻寬，機Gor最初用Wi-Fi連接時，成日要等佢「加載」，換成LAN接駁即時快咗順咗。至於操控方面，樂視盒子跟機的遙控器較大，手感和功能不俗；對比起來Apple TV的迷你遙控器真係簡約得滯。

Win
樂視盒子備有新版遙控器，手感不俗之餘，按鍵靈敏。

Apple TV設計簡約的迷你遙控器，操作始終冇咁方便。

第3回合：鬥分享玩法

Apple TV嘅分享玩法主要針對iPhone、iPad同Mac機用家，只要連接在同一網絡之下，透過Airplay便可將流動裝置內的影片和相片串流至Apple TV播放，另支援鏡像輸出可將畫面同步至電視上。但問題係Apple TV不設卡槽和USB插口，若朋友有多媒體檔案想喺電視睇，就要搞一大輪駁到Mac機再分享。樂視盒子則提供兩組USB端子兼有SD卡槽，要分享短片或靚相方便好多，仲可透過Miracast無線將手機多媒體內容分享到電視。