小米 Vs Samsung 雙卡對旅

暑假就嚟完，機Gor唔少朋友都諗住帶埋仔女去旅行作最後衝刺。外遊梗係要帶部雙卡機，方便插當地4G Data SIM上網。剛巧今個月小米Note及Samsung Galaxy A8一同於市場出現，兩機均用上5.7吋大芒，又支援4G雙卡功能。究竟Budget唔多揀邊部好？即睇以下比併！
小米Note售價：$2,999<br>Galaxy A8售價：$3,798
小米Note售價：$2,999
Galaxy A8售價：$3,798

小米Note 行貨抵港

小米愛玩機海戰術，適逢今年踏入5周年，早前於香港成立小米之家，將更多行貨引入香港。小米Note是繼小米4i後第二款抵港型號，5.7吋大芒加上雙面玻璃機身，淨係外形已靚過啲塑膠機多多聲。美中不足係港版暫時只有純白64GB一款，內地熱賣嘅竹版及粉紅色版未知幾時開售。不過好消息係今次貨源充足，上香港官網就買到，米粉終於唔使再受「輪米」之苦！

Galaxy A8 變大又變薄

Samsung旗艦機S6銷量未如理想，廠方遂於年初推出富金屬感嘅A系新機迎戰，務求收復失地。大半年過去，A3、A5、A7相繼推出，最新嘅A8將屏幕加大至5.7吋，厚度卻減至5.9mm，刷新了銀河系列紀錄，配合光滑金屬外殼幾好揸手。顏色方面，除了大路的黑、白色外，還提供極受歡迎的金色機身，愛浮誇嘅人士必搶！

小米Note的鏡頭及補光燈設於機身角落，取景時要稍為遷就。
  • 小米Note的鏡頭及補光燈設於機身角落，取景時要稍為遷就。
用上microSIM加nanoSIM雙卡配置，但不能加插microSD卡。
  • 用上microSIM加nanoSIM雙卡配置，但不能加插microSD卡。
Galaxy A8的1,600萬像素鏡頭及補光燈設於機頂中央位置。
  • Galaxy A8的1,600萬像素鏡頭及補光燈設於機頂中央位置。
雙nanoSIM卡配置，若要插microSD卡便要犧牲一個SIM卡位。
  • 雙nanoSIM卡配置，若要插microSD卡便要犧牲一個SIM卡位。

第1回合：鬥屏幕畫質

去旅行又要睇相又要搵路，屏幕表現尤其重要。兩機無論5.7吋屏幕及1,920×1,080解像度都一樣，連像素密度也同為386ppi，一般情況下畫質分別不大。但當機Gor以一張Under咗嘅偏暗相片測試，就明顯發覺Galaxy A8亮度稍微黯淡，同時色彩細節不及小米Note，相信是因為小米Note嘅95% NTSC色彩飽和度及1,400:1高對比度所致。小米Note另一賣點係設有光源感應器，遇到強光會自動推高屏幕亮度，戶外睇芒分外舒適明亮。

WIN<br>小米Note遇光時，屏幕會自動轉光，戶外睇得更舒服。
  • WIN
    小米Note遇光時，屏幕會自動轉光，戶外睇得更舒服。
以一張偏暗嘅相測試，發覺Galaxy A8嘅細節還原度較差。
  • 以一張偏暗嘅相測試，發覺Galaxy A8嘅細節還原度較差。

第2回合：鬥影相Selfie

機Gor旅行時總會影吓「到此一遊」相，小米Note及Galaxy A8嘅主鏡頭分別為1,300萬像素及1,600萬像素，實測見對焦、存相速度同樣快，只是前者取景較Wide，加上光學防手震及水平儀功能，啱晒影風景相。A8除了主鏡頭像素較高外，前置鏡頭亦支援120度廣角自拍，並加入「自動自拍」功能，對住鏡頭講「Cheese」便可觸動快門，比對手要伸長隻手按掣方便得多，加上美肌效果較為自然，旅行Selfie隨時影到白滑靚相。

小米Note開啟水平儀後，取景框可自動調整水平角度。
  • 小米Note開啟水平儀後，取景框可自動調整水平角度。
WIN<br>A8支援「自動自拍」功能，講「Cheese」便可觸動快門。
  • WIN
    A8支援「自動自拍」功能，講「Cheese」便可觸動快門。

第3回合：鬥效能續航

小米Note搭載Snapdragon 801處理器及3GB RAM，而Galaxy A8則用上Snapdragon 615處理器及2GB RAM，前者的效能明顯較佳，從《AnTuTu》測試可知一二，小米Note及A8分別取得46,165分及29,838分。不過在續航力方面，兩機在100%電量下試玩《Angry Birds 2》約1小時，A8電量只減少了24%，反觀小米Note卻大跌至48%，旅行時使用A8便毋須經常充電，一個效能佔優，一個勝在長氣，雙方握手言和。

DRAW<br>小米Note的《AnTuTu》得分較高，但實際應用分別不大。
  • DRAW
    小米Note的《AnTuTu》得分較高，但實際應用分別不大。
試玩《Angry Birds 2》約1小時，A8耗電量比小米Note少近一倍。
  • 試玩《Angry Birds 2》約1小時，A8耗電量比小米Note少近一倍。
旅遊網站博客石先生
  • 旅遊網站博客石先生

旅遊網站博客石先生︰「善用當地SIM卡上網！」

「帶手機出國旅遊，首要留意支援的網絡制式，部分手機可能無法於當地用盡4G速度上網。另記得關掉數據漫遊及帳戶同步功能，以免回港後收到『震撼帳單』。我個人就喜歡購買當地SIM卡，例如日本可買$140左右的上網卡，一星期有2GB用量；若回大陸則推介中國聯通，深水埗最平只需$98便有1GB數據任用，仲可以喺內地上facebook呢！」

機Gor Report：小米Note贏性價比

兩部手機各具賣點，小米Note屏幕質素較佳，影相取景較Wide；A8則在Selfie及慳電方面佔優，而且處理器支援64-bit運算架構，日後升級較為方便。以機Gor嘅意見，去旅行最驚有閃失，梗係帶部平機為妙，小米Note以三千元有找嘅價位，性價比較高。相反A8賣三千尾的定價實在尷尬，除非是Galaxy系列粉絲，否則吸引力難免被比下去。

機Gor Profile：機不離身，不信Spec只信測試，不扮高深，懶理低俗，貪新不忘舊。

小米Note規格表

制式︰ GSM、WCDMA、TD­SCDMA、FDD-LTE、TD­LTE

處理器︰Snapdragon 801四核心

記憶體︰3GB RAM、64GB ROM

屏幕︰5.7吋Sharp/JDI（1,920×1,080解像度）

鏡頭︰（前置）400萬像素、（後置）1,300萬像素

對外連接︰ 藍芽4.1、microUSB、802.11ac

電池容量︰3,000mAh

作業系統︰Android 4.4.4

體積︰155.1×77.6×6.95mm

Galaxy A8 規格表

制式︰ GSM、WCDMA、TD-SCDMA、TD-LTE、FDD­LTE

處理器︰Snapdragon 615八核心

記憶體︰2GB RAM、16GB ROM、支援microSD

屏幕︰ 5.7吋Super AMOLED（1,920×1,080解像度）

鏡頭︰ （前置）500萬像素、（後置）1,600萬像素

對外連接︰ 藍芽4.1、microUSB、Wi-Fi、NFC

電池容量︰3,050mAh

作業系統︰Android 5.1

體積︰158×76.8×5.9mm

撰文：機Gor

查詢︰（a）mi.com/hk/minote、（b）3698 4698