Superstar Backfloat無線喇叭浮水播歌

去年Monster推出過無線防水喇叭Superstar，雖然音色唔算好靚，但勝在可帶去沙灘聽歌。新推出的升級版Superstar Backfloat，最厲害嘅地方係識得浮水，在離水面一呎地方將喇叭弄跌，喇叭都可即時浮上水。另支援IPX6防水規格，充電介面等都有防水蓋保護，當播放節奏強勁的音樂時，水滴更會於機面跳動。音色方面，機身內置兩個全音單元及兩個低音單元，高低音表現跟上代差唔多。值得一讚是其電量達7小時，續航力不俗。