荷里活大片《復仇者聯盟2：奧創紀元》早前於全球展開馬拉松式宣傳活動，片中一眾主角與演員亦盛裝上陣行紅地氈。在觀眾入場看英雄們打到飛起前，一班女星亦使出渾身解數，爭妍鬥麗一番。演黑寡婦的史嘉娜祖漢遜就以一套jumpsuit出席倫敦首映禮。而現身洛杉磯首映的日本女星米倉涼子則以黑白色晚裝裙，高貴斯文。名模陳嘉容就略嫌平日搶鏡的史嘉娜今次卻着得腫脹，屬失手之作！
「好典型嘅歐美女星紅地氈打扮，低胸貼身透視高衩晚裝裙，盡騷身材，有胸有腰有睇頭，火紅色亦都搶眼，可惜又係少咗啲Accessories，令到total look唔夠出眾。」
「條floral print短裙好有夏天感覺，着得好有青春氣息，就算係短裙都覺得飄逸，係好吸睛嘅長髮美女look，deep V設計夠晒性感，又可以騷埋美腿，由頭到腳都好養眼。」
「條裙款式幾stylish，可以着到好型格，不過髮型、化妝，再加埋佢對透薄絲襪，就有啲娘，一係就換對深色絲襪，一係就索性唔好着絲襪，就咁襯對超高高跟鞋，又或者係襯ankle boots都會時尚好多。」
「佢樣靚身材正，唔知佢係呢排肥咗，定呢套衫咁出事，着到佢有啲臃腫，顯得佢上身同下身都好腫，一啲美感都冇，亦完全騷唔到佢身材同線條美，望落有啲似水桶，今次失手揀錯衫。」
「條裙幾靚，但唔算耀眼，可以襯得更加Sharp，可以配番啲誇張款式Accessories，閃爍啲嘅首飾，令total look更加搶眼、更加grand同更高貴，依家感覺有啲保守同埋斯文咗啲。」
「好普通嘅cocktail dress，一啲都唔起眼，條裙啲顏色亦唔sharp，成個人嘅感覺都好plain，可以加個摃紗喺條裙入面，令條裙拱啲，會更搶眼。」
「條裙係靚，但佢就着得plain得滯，顯得打扮好普通，可以加藍或金色嘅Accessories，換對藍色、白色閃石或彩鑽嘅高（足爭）鞋，會搶眼好多，亦可以拉長整體嘅身形線條。」
香港著名模特兒陳嘉容(Eunis)，曾為各大國際品牌行時裝騷，近年更為電視時裝節目擔任主持，化身stylist教人配襯衣着打扮。