雖然我個人比較傾向不重視傳統，甚至經常質疑傳統習俗的實用性，但我很相信赤口。
我並不依據我的自身經歷去辨別赤口的真偽，而是經過一些合理推算而得出結論。
又要早起又要拜年又要假笑又要Hea應，新年有多煩人煩心，我不再重複了。煩一日可以死忍，煩足兩日基本上已經想跳樓，惱人的第三天一覺睡醒，心情自然不會好得到哪裏去，心情影響表情，個個都欠揍樣，吵架是非常合理的事。
這還不止，香港農曆新年假期一般為三大天：初一、初二、初三，你想多一日咩，咁大個人唔好咁多震撼性幻想喇你。
古語有云：年初四咁嘅面口──唔慌好樣，其實除了首天上班的年初四之外，假期最後一天的年初三，大家又何嘗不是鞋口鞋面呢。
親戚們平時我都可以忍你，但年初三流流，你還來拜年？還要跟我說恭喜發財？一聽到個「恭」字火都嚟，明天我們還要返工呢！吵架，是無可避免之事。
依以上合理推斷，年初三被封為赤口，係好合理嘅事。
但係，我也不認為古人是因為年初三經常吵架，才將當日封為赤口。
我看比較可能出現的情況時，古人受盡過年習俗之折磨，都不想再過第三天了，就已經在吵架之前，發明出赤口這個世紀藉口，讓自己、讓世人，都能在繁忙的拜年行程之中，抽出真正悠閒的一天，嘗嘗真正新年的快樂。
網址：www.facebook.com/linrixi