這陣子全城響應特首呼籲，瘋狂落區購物。
看到這一情景，有血有肉的人必然眼淺。
你怎能不感動呢？
特首上任兩年，其隱藏於體內深深深深處、那很難被人發掘得到的領袖魅力，一直沒法展現出來。
特首就好像孤獨的詩人，講東冇人向西，講西冇人明佢講乜，唉，我都好心痛。
現在機會來了，特首洞悉先機，清楚了解到香港人一直被佔領行動抑壓住的購物欲終於都得宣洩，於是急不及待在旺角清場當天呼籲香港市民多多落區消費購物。
成功是留給有智慧的人的，這一睿智呼籲，終於，終於，終於，終於都得到市民熱烈支持，人人都落區購物了。
看到特首上任多時終於迎來第一個大成功，我自己都真係好感動。
這樣的香港多可愛呢。
無分左右紅藍綠，人人都為經濟出一分力，你買吓我，我買吓你，讓一部分人先肥起來，堅決落實小平同志之遺願。
學阿銀話齋：我有一個夢！想！就係有一日唔需要再分香港人、內地人、黃絲、藍絲，不分你我，人人「憑」！等！（我一激動就有少少口音講唔正，希望讀者唔好介意。）我有一個夢！想！就係大家一齊購物！你「第」唔好再歧視我「第」消費！因為……我「第」從來都冇歧視你「第」消費……（泣不成聲）
網址：www.facebook.com/linrixi