3D Printing趨勢！極速掃描平印頭像

掃描打印知多啲

製作3D物件，首要將想印嘅主體製作成3D影像檔案。如果係虛擬或原創物件，主要靠《CAD》等3D繪圖軟件；若想製作人像Figure之類嘅物件，便要用到3D掃描技術喇！成功製作3D影像之後，下一步當然係印出嚟，用家只要喺3D打印機輸入STL等檔案，便能將作品雛形打印出來。如各位想方便啲，仲可以拎去坊間的打印公司代印，過程相當簡便。

Trend 1：0.1秒捕捉瞬間影像

有別於一般以雷射掃描技術處理影像，由本地公司MeMoment研發的3D掃描系統，全程靠晒擺放於不同位置的23部相機及4支閃光燈，掃描時只需像影相般按快門，最快0.1秒便能捕捉瞬間影像，跳起、飄浮等甫士都搞得掂，玩家可自行發揮更大創意。不過由於此系統屬自家研發，相機嘅擺位又要因應主體多少而調整，基本上只有系統創辦人吳逸釗（Patrick）控制到。另外，有別於一般3D掃描器可直出相關3D影像，此系統掃描後會得出23幅相片，相片必須經過特定軟件「後製」，方可輸出成3D影像，難度較高。

此系統全採用Panasonic無反相機，皆因它與閃燈的同步率最接近，確保能捕捉瞬間一刻。

從3D Figure完成品可見，一家人企晒喺度掃描都冇問題。掃描連打印模型售價：$2,400（10cm以下）、$3,500（10cm~15cm）、$5,000（15cm~20cm）（a）

Trend 2：流動掃描器隨街Scan

別以為3D掃描器一定好大部，其實亦有手提款式，以較常見嘅Artec Eva 3D掃描器為例，其外形有點似熨斗，操作時需要不斷上下左右圍住主體掃描影像，仲要將掃描器駁住Tablet或者手提電腦等裝置，才能即時睇住影像有冇遺漏；而且掃描人像時，主體要企定定幾分鐘，不過勝在便攜性高，帶出街隨時Scan都冇問題。

Patrick表示，每部相機的位置和角度均經過多番研究。	HallowKids Expo 炮製頭像 為咗令公眾可體驗3D打印有幾好玩，MeMoment與愉景新城合作，由10月24日至11月2日舉辦「HallowKids Expo」活動，各位可以優惠價$560試做1:8立體頭像，DP Club會員價更低至$480，有興趣的話不妨一試。（d）	掃描過程其實同影樓拍攝分別不大，Patrick一按快門即可完成。

Trend 3：立體打印機平民化

環顧主流3D打印機，大多採用熔融沉積式（Fused Deposition Modeling, FDM）技術，簡單來說是將打印物料如ABS等，加熱融化後再堆疊成立體狀態，物料冷卻變硬後便成為打印品雛形。以台灣廠商XYZprinting出品的da Vinci 1.0為例，售價都係五千多元，它採用熱熔解積層法打印ABS塑膠物料，可印出20×20×20cm嘅立體物件。雖然原廠提供12色ABS線材，不過因為機身僅設一個墨頭，所以印出來的物件只有單色。此機除了支援STL檔案外，亦會附送自家軟件製作XYZ Format（.3w）檔案，一條龍搞掂晒！

3D打印應用廣泛

3D打印技術近年愈趨成熟，涉足的範疇更加廣泛，不再限於精品玩具，由醫學、建築到工業應用都有，一於睇吓世界各地點樣應用！

上海：24小時起樓

上海有建築商以3D打印技術炮製平房，耗材以特殊玻璃纖維及水泥、建築廢料加工而成，透過特大3D打印機製作牆身，再以砌積木方式組裝，24小時便完成房屋雛形。

台灣：高達三腳架

這款三腳架可說是創意變成實物嘅最佳例子，網友自行將高達卡通圖案及設計加入三腳架，構圖後以3D打印出組件，最後砌成作品。

美國：3D氣管救BB

俄亥俄州一名男嬰出生時氣管塌陷，有機會導致停止呼吸。醫護人員遂利用3D打印100條幼管道，結合成人造氣管，成功解決呼吸問題。

查詢電話：

（a）3427 9379

（b）2330 3317

（c）3626 9899

（d）2940 2822

撰文：林子聰

部分攝影：謝孝祥

模特兒：Samanda（Reborn Production）