豬骨湯底拉麵大家食得多，其實拉麵湯底不是獨沽一味，日本高級餐廳稻菊近日於觀塘工廠區開設副線「稻．拉麵」，以雞白湯魚介湯底作主打，清新不黏喉，有別於傳統湯底，去掉油膩、低卡又健康，清甜誘人。

新店是名店稻菊餐廳同一集團自家首設的Young Line版，主打拉麵，亦供應串燒、刺身等菜式，感覺有點像居酒屋。新店選址觀塘工廠區內，一室淺木色裝潢，座位之間空間充足，配柔和光線，感覺舒適寬敞，顛覆拉麵店向來規模小地方狹窄的形象。相對於走高檔的稻菊，新店定位和價錢親民得多，材料依然是日本靚貨，但一碗拉麵百元有找、主菜亦只是由百多元起，絕對是日菜老饕佳音。

坐鎮掌廚的Samy師傅曾修讀拉麵專門學校，更曾在東京多間餐廳任職，處理拉麵經驗豐富。他有感坊間的拉麵湯底過於油膩，故轉用雞骨和木魚粉熬成湯底，還堅持少鹽少油。大蜆拉麵湯底只用了少許喜馬拉雅山岩鹽調味，吊起蜆肉的鮮香，麵的分量也控制在135g左右，分量剛好。湯底出色，配料也不馬虎，選用半肥瘦腩肉炮製成叉燒，先將豬肉放在豉油內浸30分鐘，然後置於雪櫃雪過夜，待有客人柯打時，才厚切再煎至兩面香脆，佐以大量椰菜或芽菜、筍絲和半熟雞蛋奉客，入口肉味濃郁，充滿脂香。

拉麵以外，餐廳亦有供應多款日式美食，食材選料同樣嚴謹，且大部分均源自日本，例如串燒選用A4宮崎和牛、岩手縣雞肉等，師傅以高溫燒製，簡單以天然岩鹽調味，以保留食材原汁原味。另有多款沙律刺身供應，魚鮮更是即日從日本直送，新鮮味濃。愛摸吓酒杯底的，小店也供應多款日本清酒，價錢由百多元起，佐以熱辣辣惹味串燒，又是另一番滋味！

環境氣氛：★★★（以5★為滿分）

好味指數：★★★★

必試推介：雞白湯魚介醬油拉麵、雞白湯魚介大蜆拉麵、自家製柚子三文魚沙律

人均消費：$150

撰文：鄭珮琪　

攝影：胡振文

地址：觀塘鴻圖道83號東瀛遊廣場地下2號舖

查詢電話：2857 7797