5.5吋LTE-2港產生力軍

香港市面的智能手機大多屬於日韓等牌子，好用歸好用，但總係少咗份親切感。等了又等，香港終於有屬於自己嘅手機牌子islyou，新機LTE-2坐擁5.5吋大芒及支援4G制式，還內置很多貼心功能，身為港人冇理由唔Buy！

IPS屏幕色彩自然

islyou全名為「i still love you」，剛於今年7月在港成立，年資雖淺，但新作LTE-2的做工絕不差，採用直板黑框設計，弧形機身完全貼合掌形，握感幾好。機面5.5吋qHD屏幕由於採用IPS面板，令畫面顏色逼真自然，加上亮度適中不刺眼，可視角達178度，長時間睇芒比不少Super AMOLED屏幕舒適。純白機背則只簡單放入鏡頭、補光燈及喇叭，配合格仔拉絲暗花，為整體形象加分。

植入貼心功能

硬件方面，手機配備1.3GHz四核心處理器、1GB RAM及8GB內存，配套未算最頂級，但實測撥頁、開Apps或睇片未見遲滯，玩大食遊戲都唔窒，可見系統穩定性相當高。它特設不少貼心功能，例如針對港人需要的「粵語拼音輸入法」；透過手寫字母快速開啟相機、瀏覽器等的「智能喚醒」功能；兩機屏幕貼屏幕即能傳相的「HotKnot」功能等。特別一提，此機的主鏡頭備有達1,420萬像素，畫質高過唔少對手，並支援語音拍攝、微笑快門、HDR、全景及美肌模式，女士必Like！