Hello! Zoomer電子狗 聲控觸動

售價：$1,880

電動關節靈活

Hello! Zoomer外形其實幾似一隻斑點狗，為咗令佢動作更靈活，廠方特別於其四肢加入電動關節，配以滾輪腳掌設計，令移動能力大大提升；加上頸、腰、耳仔都有鉸位，令佢似足真狗咁做到瞓低、提腿等動作。玩家可透過聲控與它作出互動，講指令之前只要輕按其頭部，之後佢雙眼LED便會顯示「？」圖示，跟住講「Sit down」、「Lay down」等，它便會按心情吠叫或者跟指令做。

英日語都識聽

狗狗識得聽15個指定英文及30個日文指令，小記試玩時，只要喺寧靜環境以正常速度講指令，辨識率都幾高，如果環境太嘈，佢雙眼就會出現代表聽唔明嘅「X」圖示。此外，它內置一個Training Mode，玩家可重複落指令等佢學習，令指令成功率提高。而其胸前備有紅外線感應器，以助跑動時避開障礙物。

設有A、B、C模式，前兩者分別為日文及Training Mode，後者則為英文模式。	咪高峰設於身上，而腳掌採用滾輪設計，郁得都幾快。	輕按佢頭部，雙眼便會出現「？」圖示接收指令。

撰文、攝影：林子聰

查詢電話：3102 2783