SL10 鏡頭相機　NFC連線快拍

專業攝影師Felix So教路

「呢類鏡頭相機拍攝高低角度最好用，例如以低角度取景時毋須瞓低或踎低，只需一隻手握住鏡身垂下就搞掂；走進人群中，亦只要舉起隻手便可高抄拍攝，頭部亦唔使跟住抬起。由於機身唔係四四方方，加上輕巧的骰，故此有利穿過一些窄位拍攝，例如鐵絲網、欄杆等，比一般DC有更大靈活性。」

一嘟連結手機

其實SL10可以就咁單獨拍攝，但由於機身不設屏幕，影成點唔可以即時知道，故最佳玩法係夾番智能手機取景，除了可透過NFC一嘟連線外，如手機冇NFC都能以SSID配對，再經《PIXPRO Remote Viewer》iOS/Android App便能遙控拍攝，甚至可下載鏡頭相機內的相片，選擇原尺寸下載落嚟又得，或者壓成200萬像素檔案亦得，方便上載到社交網站分享。

售價：$1,380	利用《PIXPRO Remote Viewer》手機App，便能夠實時取景拍攝。	內置多種拍攝模式，包括程式自動曝光、美顏效果等。

多種拍攝模式

講講吓各位會否覺得SL10有點像Sony鏡頭型相機QX10呢？兩者嘅玩法和設計雖然接近，但SL10（售$1,380）定價比QX10（售$1,980）進取之餘，還內置更多拍攝功能。除了常用的P Mode程式自動曝光外，還有美顏、自動場景、高動態範圍和連續拍攝模式。如使用P Mode的話，用家可設定EV曝光值和感光度，感光度最高可調至ISO 3,200，拍攝環境唔夠光都冇問題。至於美顏模式可修飾臉上細紋，讓肌膚看起來更柔和光滑，只是機身不支援臉部對焦，小記要用手指篤芒方可Focus，幸好速度都算幾快。至於使用連續拍攝模式時，新機能做到每秒6張高速連拍，捕捉小朋友或寵物話咁易。

若然要把相片下載到手機，可揀原始尺寸或200萬像素檔案。	拍片方面提供1,920×1,080 30fps影片格式選擇。	收納後的鏡頭只有一個網球咁細，方便外攜使用。

10倍變焦鏡頭

硬件方面，鏡身備有黑色和白色選擇，其28~280mm 10倍變焦鏡頭，無論遠近景物都覆蓋得到，加上內裏配備1,635萬像素感光元件，影出嚟嘅相靚過手機多多聲，仲可拍埋1,920×1,080@30fps全高清影片，動靜影像都兼顧得到。佢機仔細細，故只支援microSD細卡及880mAh容量鋰電池，電量足以影200張相左右，續航力算是合格。此外，機背提供活動式彈弓夾架，可夾住部手機影相，又能夠拆開來玩分體取景，可以一手拎相機，一手拎手機睇住個芒玩自拍添！

內置Wi-Fi和NFC功能，拎手機一嘟機身即可快速連線。	用上microSD卡和880mAh鋰電池，可拍攝約200張相。	鏡頭具備10倍變焦能力，旁邊更設有變焦桿和快門掣。

規格表

感光元件：1,635萬像素CMOS

支援microUSB充電，萬一唔夠電都可用「尿袋」充電。	試相區 Smart Lens Camera成像實淨，顏色豐富，加上用盡10倍Zoom遠景時，連海上船隻嘅船身細字都清楚見到，質素勁過手機好多。	PIXPRO SL25 售價：約299美元

焦距：28~280mm

光圈：F3.2~5.6

感光度：ISO 100~3,200

其他功能：1,080p拍片、6fps連拍

體積：59.6×59.6×55.8mm

重量：145g

同場加映：PIXPRO SL25有待公布

其實除了SL10 Smart Lens Camera外，廠方亦發布了同類型的PIXPRO SL25。它擁有25倍Zoom的24~600mm變焦能力，最重要是外形唔算大支，依然輕巧便攜，可惜SL25尚未有在港推出的資料。

數字人生：雷軍

5 第一代小米手機開放網購時，5分鐘內賣出30萬台。

44 1969年12月16日出生，曾任金山軟件公司總經理，現年44歲。

57 2014年以280億元人民幣財富打入「胡潤全球富豪榜」，位列大中華區第57位。

2010 2010年創立小米科技公司研發MIUI介面，翌年推出自家品牌小米手機。

2013 2013年3月獲英國《財富》雜誌選為「全球11位顛覆商業規則的創新者」之一。

撰文：黎子豪　

攝影：陳富權、梁偉德

查詢電話：2713 8948