oleGoK卡啦OK 唱紅小米3

提起國產手機，好多人立時耍手兼擰頭，不過凡事總有例外，好似國產名牌小米手機就被全城瘋搶。早前小米3在港開賣，喺3分鐘內賣出5,000部，買到嘅除咗證明自己好運外，人冇我有更係身份象徵。若閣下唔到又唔使嬲住，事關3香港由即日起都有得賣，仲有$0出機計劃，買嗰陣可連同最新oleGoK流動卡啦OK服務一併申請，等你將喜訊唱到街知巷聞！

於3香港上台出小米3可享$0機價，用家需選用$238月費並簽約22個月。（a）

外觀專業優質鏡頭

以往小米手機雖然好賣，但外觀總有一份國產味，小米3正好相反，直板機身採用鋁鎂合金一體成形設計，正面是一塊5吋全高清IPS屏幕，所有邊位、角位都造得平滑順手之餘，仲予人一種專業感覺，比以往塑膠機身Pro得多。專業的還有鏡頭，擁有1,300萬像素，並採用名廠Sony Exmor RS感光元件，對應F2.2大光圈、28mm廣角及Full HD高畫質攝錄，內置美顏模式更能按被攝者年齡而提供美化方案，想女友變靚話咁易。

強勁硬件自家介面

國產手機嘅硬件一向唔弱，小米3亦唔例外，採用Qualcomm Snapdragon 800四核心處理器，提供2.3GHz時脈，加上2GB RAM，《AnTuTu》測試跑分比Note 3等機王仲要高，難怪玩Apps勁爽快。小米以開發軟件起家，新機自然植入最新MIUI V5介面，將所有程式放於首頁，操控猶如iOS般方便；而廠商更提供逾千款主題及Wallpapers供下載，配合傾偈用的《米聊》、備份工具《小米雲》及防毒保安《安全中心》等Apps，齋機買回來已大把嘢玩。

內置自家MIUI V5介面，首頁有幾分似iOS。售價︰$2,559（b）

鋁鎂合金機身設計簡約，並提供1,300萬像素鏡頭及雙補光燈。

$0出機歌曲任唱

小米3唯一缺點是僅支援3G網絡，用唔到4G LTE上網，但定價二千幾元咁抵，全城瘋搶是常識吧！有見及此，3香港特別跟小米合作，由即日起提供上台優惠，各位只要選用$238月費計劃（簽約22個月），即可享$0機價出機。若上台時申請埋oleGoK流動卡啦OK服務，更可隨時隨地點唱環球、英皇、環星及風行等唱片公司逾萬首歌曲，配合小米3的米音2.0音效優化技術，出到街都可歌神上身。此服務月費為$49，用家簽約12個月即可獲oleGoMic迷你咪高峰一支，簽約24個月則送兩支，用嚟合唱就最啱！