Lomography Belair X 6-12復古「風琴式」菲林相機本身已甚有玩味，配合120菲林可拍攝出6×12全景、6×9寬景及6×6正方形尺寸相片。如果想玩得更特別的話，仲可買埋新推出的Belair即影即有機背，影完相即刻有得睇！
配合Fujifilm Instax Wide相紙
用家只需將Belair即影即有機背，安裝到原有3款Belair X 6-12相機便可使用，相紙方面則採用Fujifilm Instax Wide，價錢$6~$8一張雖然幾貴，但寬景格式的即影即有相片確實特別。色水則維持一貫清晰銳利效果，仲可利用多種曝光、長時間曝光、更換鏡頭及使用閃燈系統，營造出充滿藝術感的相片效果。