早前任天堂公布與光榮合推Wii U版《薩爾達無雙》，仲話會今年夏天面世！不過玩薩爾達都係四圍冒險啱Feel啲，好似剛於日本推出的《薩爾達傳說：眾神的三角神力2》，結合N3DS立體動作及穿牆移動玩法，解謎過關變得更有趣味。
其實香港任天堂都引入咗美版《The Legend of Zelda: A Link Between Worlds》，不過日版N3DS機主，點都要等這日版遊戲先玩得到。《薩爾達傳說：眾神的三角神力2》延續上集故事，主角林克要於海拉魯世界跟另一世界羅拉爾之間往來冒險。不過各位未玩過上集都唔出奇，皆因當時已經係1991年超任年代！
為配合N3DS立體顯示功能，新作引入3D元素。原本遊戲以俯瞰式視角為主，但透過3D高度概念，加入高低差迷宮構造，可利用彈台跳到高處，令場景有更多變化。另有一項新元素是主角林克可變成壁畫，於牆上自由移動，除了穿越兩個世界時需用上穿牆能力外，亦可穿牆通過平時無法前往的道路。
類型：動作冒險
開發：任天堂
平台：N3DS
售價：約$350
撰文：布偉倫
查詢電話：2359 7998