G Pad 8.3新板斧隔空Q Pair連動

近期平板界勁熱鬧，先有全城期待嘅iPad Air同新iPad mini登場，嚟緊又有Google新Nexus平板，連LG都唔執輸，首度將Tablet產品引入香港。呢部G Pad 8.3除咗擁有全高清靚芒和四核處理器外，最好玩係新增《QPair》功能，可以隔空同手機連動，當手機收到來電或短訊時，平板會同步顯示，仲可以喺平板Cut線兼回短訊，方便到你唔信！
售價：$2,698
售價：$2,698

8.3吋IPS靚芒

LG今年靠旗艦手機G2翻身，幼邊靚樣大獲好評。作為廠方嘅平板頭炮，G Pad 8.3一於跟到足，圓角直板機身加上機面無鍵設計，相當襟睇。其8.3吋屏幕解像度達1,920×1,200，仲用埋IPS面板，睇片效果超正。雖然佢唔似G2有得捽背掣，但用上手感舒服嘅磨沙金屬背殼，機身僅重338g，與331g嘅新iPad mini相若，女仔拎出街都唔會嗌重。

手機連動多玩法

唔少人玩Tablet時都會將手機擺落袋，遇着有來電或短訊時，一不留神就會Miss Call。新出嘅《QPair》功能絕對幫到手，用家只要喺G Pad 8.3及其他Android 4.0以上嘅手機安裝《QPair》程式，兩機便可經藍芽進行配對。手機一收到來電或短訊，平板即會同步響起，仲可以喺平板選擇Cut線或回覆；用家亦可設定facebook、WhatsApp等工具嘅同步提示功能，一有訊息就知道，不過喺平板就冇得回覆喇！值得一提，《QPair》支援「Internet via Phone」功能，讓平板自動經手機Hotspot上網，方便快捷。

擁有8.3吋巨芒嘅G Pad 8.3，機面冇任何實體鍵，設計簡約。
  • 擁有8.3吋巨芒嘅G Pad 8.3，機面冇任何實體鍵，設計簡約。
QPair玩法<br>來電通知<br>手機有來電時，G Pad 8.3會一齊響，用家可以喺平板Cut線，但唔能夠喺平板傾電話。
  • QPair玩法
    來電通知
    手機有來電時，G Pad 8.3會一齊響，用家可以喺平板Cut線，但唔能夠喺平板傾電話。
自動配對<br>Android 4.0或以上嘅手機可裝到《QPair》，當同G Pad 8.3一齊開App便會自動連接。
  • 自動配對
    Android 4.0或以上嘅手機可裝到《QPair》，當同G Pad 8.3一齊開App便會自動連接。

1.7GHz四核運算

硬件方面，新機採用1.7GHz四核心處理器及2GB RAM，換頁、打機以至玩多工視窗都好流暢。除咗內置16GB儲存容量外，用家仲可外加最多64GB記憶卡，過片話咁易。

程式標示<br>手機或平板開完App之後，另一部機會即時喺畫面右方彈出Icon，標示開過嘅程式。
  • 程式標示
    手機或平板開完App之後，另一部機會即時喺畫面右方彈出Icon，標示開過嘅程式。
8.3mm夠晒薄身，拍埋張microSD卡就知道。
  • 8.3mm夠晒薄身，拍埋張microSD卡就知道。
採用一體成形設計，機背仲有一大塊金屬殼。
  • 採用一體成形設計，機背仲有一大塊金屬殼。

雖然新機今次只得Wi-Fi版，但開價$2,698，以同級平板作比較，不但比新iPad mini（售價：$3,088起）便宜，亦只係比新Nexus 7（售價：$2,398起）貴少少，實在抵買。

試片區以《MyTV》App睇《巨輪》，畫面超清晰，機底雙喇叭音色不俗；可惜虛擬觸控鍵冇得隱藏。
  • 試片區以《MyTV》App睇《巨輪》，畫面超清晰，機底雙喇叭音色不俗；可惜虛擬觸控鍵冇得隱藏。
售價：待定<br>G Pro Lite附送手寫筆，繪圖更就手。
  • 售價：待定
    G Pro Lite附送手寫筆，繪圖更就手。

規格表

處理器：Qualcomm 1.7GHz四核心

記憶體：2GB RAM、16GB內存、支援microSD

屏 幕：8.3吋IPS（1,920×1,200解像度）

鏡 頭：（前置）130萬像素、（後置）500萬像素

對外連接：藍芽、microUSB、Wi-Fi

電池容量：4,600mAh

作業系統：Android 4.2

體積：216.8×126.5×8.3mm

重量：338g

同場加映：G Pro Lite入門大芒

大芒手機向來多用家捧場，同期廠方出咗部G Pro Lite主攻入門大芒市場。新機配備5.5吋IPS屏幕，解像度有qHD級數，機身仲特別加入Stylus手寫筆，用嚟喺《QMemo》畫嘢都唔錯。美中不足係只搭載MT6577 1GHz雙核處理器，用嚟打機難免有啲窒。

撰文：林子聰

攝影：林資凱

查詢電話：3543 7777