EX-ZR800 5軸防震走天涯

無論各位呢個暑假去外地旅行，抑或留港遊山玩水，天涯DC幾時都係大家嘅旅遊良伴。但揀長炮機並唔係Zoom得遠就好，仲要影出嚟夠定夠清晰。Casio全新EXILIM EX-ZR800引入5軸防震功能，可以Zoom到450mm咁遠兼幫用家全方位穩定影像，就算捕捉開心到彈起嘅一刻，都唔怕相片矇查查！

售價：$3,180

5級曝光補償

手機影相雖然方便，但論光學變焦級數拍馬都追唔到DC，EX-ZR800不僅配備25mm廣角18倍Zoom鏡頭，更支援36倍超解像變焦功能，影相時毋須移動半步，便能影到廣闊視野環境和特寫遠處細節，加上機身細細，重量只有182g，好適合帶住周圍走。不過Zoom到咁遠，隻手幾定都難免有輕微抖動，為此新機首次引入5軸防震功能，有效修正上下左右擺動、震動和旋轉等5個方向造成的搖晃，簡單來說是全方位穩定影像；當拍攝夜景時，仲可透過2級光學防震及高速連拍合成技術，提供相等於5級曝光補償效果，以後手持夜攝都冇問題。

縮時攝影功能

唔知大家有冇睇過類似National Geographic紀錄片的快速日出日落畫面，其實這種拍攝方法稱之為縮時攝影（Time-Lapse），短短幾秒就睇到天色變化。新機在模式轉盤加入TL（縮時攝影）選項，用家可設定拍攝時的間隔時間和總時間，重點係相機會當作影片攝錄，完全省卻後製的繁複過程，助各位製作如人來人往城市、風起雲湧景色等影片，更可配合濾鏡特效使用。

配備18倍變焦鏡頭，Zoom到盡都唔會出現頭重尾輕情況。

模式轉盤新增TL（縮時攝影）選項，輕鬆玩Time-Lapse。

備有紅、黑、白3色選擇，滿足男女用家口味。

新機備有紅、黑、白3色任揀，用色都幾大路。至於內裏用上全新EXILIM Engine HS 3影像處理器，不僅開機、對焦和處理速度快，仲支援每秒30張連拍；當然唔少得招牌嘅美化功能，幫各位修飾肌膚，有成12級強度供調校，影人或自拍必備。

縮時攝影模式可讓各位設定間隔時間和總時間。	將防震設定為強，代表開啟了5軸防震系統。	試相區 EX-ZR800本身的18倍變焦已可由25mm Zoom到450mm，用36倍超解像變焦甚至影到特寫，畫質順滑出色；配合5軸防震功能，沒有手震的模糊感。 25mm（廣角端）
450mm（18倍變焦）	900mm（36倍超解像變焦）	EX-H60