擲骰仔玩撞球Horizon互動超桌

玩大富翁、打氣墊球等Old School遊戲是不少人的童年回憶，但原來懷舊玩意都可以好潮，靠一部Lenovo IdeaCentre Horizon便能做到！它將一眾Board Games、觸控互動遊戲融入27吋「智能桌面」中，仲附送電子骰、推桿等互動配件，將巨芒平放於屋企枱面，拎住支推桿便可當氣墊球咁打，大人細路都啱玩。

氣墊球互撞！<br>雖然智慧推桿暫時只支援《Air Hockey》，但這經典遊戲一家大細都啱玩。

氣墊球互撞！
雖然智慧推桿暫時只支援《Air Hockey》，但這經典遊戲一家大細都啱玩。

AURA智能介面

自Win 8加入觸控介面，篤芒機種可謂傾巢而出，Horizon更將呢種直覺操控昇華，機身似足一塊27吋巨型平板，廠方稱之為「智能桌面」，除咗可將巨芒以10~90度調校擺放外，機身四周仲有膠邊以便平放操作。最特別是其自家AURA轉輪介面，無論用家企喺邊，甚至一家大細圍住電腦，都可將介面隨意轉向，自然睇得更順眼。操作方法亦見獨特，例如在轉輪目錄見到心愛的相片或影片，只需將Icons拖出來即可放大縮小，甚至喺桌面隨處擺放，操作時似足《未來報告》電影Feel！

巨芒強勁規格

縱使自家介面過癮，但效能唔掂一樣吸引唔到用家。新機採用Core i7-3537U處理器，雖然只屬雙核規格，但備有慳電特性，經TurboBoost可提速至3.1GHz，配合8GB記憶體及GeForce GT 620M獨立顯示卡，足以使其躋身頂級電腦之列；加上支援性充足，具有高清鏡頭及立體聲收音咪作視像通話，又有齊Wi-Fi、藍芽4.0無線連接功能，還可經HDMI輸入連接家用遊戲機或影碟機。最特別是內置8-Cell電池，將佢由睡房搬出客廳都可玩足2小時，相當有心思。

互動配件過癮<br>大富翁擲骰！<br>電子骰憑重力感應操作，要落手落腳擲骰玩大富翁，趣味性大增。

互動配件過癮
大富翁擲骰！
電子骰憑重力感應操作，要落手落腳擲骰玩大富翁，趣味性大增。

操控桿打機！<br>智慧操控桿令觸控遊戲的虛擬按鈕變成實體掣，打機唔使「捽」得咁辛苦。

操控桿打機！
智慧操控桿令觸控遊戲的虛擬按鈕變成實體掣，打機唔使「捽」得咁辛苦。

跟機無線鍵盤滑鼠套裝，特別在滑鼠可將尾端伸延以迎合不同掌形。

多款玩樂配件

Horizon叫價近二萬元，當然唔止一塊巨芒電腦咁簡單，跟機附有一系列互動配件，包括電子骰、智慧推桿及智慧操控桿。當玩《Monopoly》大富翁時，喺屏幕上方擲骰即可感應點數；打《Air Hockey》氣墊球時，喺芒面將智慧推桿掃前，便能把虛擬餅球撞向對方；玩普通遊戲時可將智慧操控桿吸實屏幕，Chok招自然更就手。