兩津勘吉烏龍Chok樣

S.H.Figuarts推出其主角兩津勘吉，備有豐富的面相換件和配件道具，能重現漫畫中的猥褻、抵死等表情。

附送過癮配件

今次的兩津勘吉可謂賣大包，附送6個面相換件，當中不乏得戚、酸溜溜等表情，齋玩換樣已夠晒過癮。配件方面亦唔輸蝕，除了基本佩槍、對講機之外，仲有一系列「蛇王」補品，如佢最鍾意玩嘅遙控坦克車、打發時間用的漫畫和馬經，另有兩款迷你公仔，得意到爆！

坦克車連遙控器雖然細細件，但Detail位做得十分精細。	兩津勘吉表情多多，單睇酸溜溜（左）和得戚（右）面相已維肖維妙。	兩津勘吉鍾意刨馬經，廠方炮製咗一張「報紙」畀佢。

撰文：廖俊斌

攝影：胡振文

查詢電話：2148 9483