不要以為人在日本，就一定係食魚生、食壽司，沖繩的飲食文化與日本其他地方截然不同，以豬肉烹調的料理，是當地主要的地道美食之一，就連豬的其他部分都唔放過，豬腳、豬脷、豬腸、豬耳，甚至是成個豬頭皮都可以搵到！咩係豬頭皮？就係將成個豬頭，去肉拆骨，剩低的豬頭皮，加以炮製，然後原個真空包裝，畀你帶番屋企慢慢嘆！係平和通旁的第一牧志公設市場，以上特色小食當然可以搵到。鬼馬的豬肉檔老闆，更為豬頭「化妝」，插上頭飾兼戴上太陽眼鏡，完全乎合晒沖繩充滿熱帶氣息的感覺。
撰文：唐臻瑋