DIY印卡高手 XP-701節日最紅

想自製獨一無二嘅聖誕卡，只要有部具質素嘅多功能打印機就搞掂！

好似Epson新款Expression Premium相片級XP-701多功能打印機，除了用上紅色設計應節外，5色墨水打印效果仲相當出色，毋須經電腦便可以喺相片加入「Merry Xmas」、「聖誕快樂」等祝福語句，印完親手交畀朋友，點都窩心過WhatsApp啦！

5色墨水具層次

XP-701係Epson首款紅色打印機，比起黑、白、灰色機身自然醒神好多，Size更比以往同級型號細近40%！此外，傳統多功能打印機多以4色墨水設計，但XP-701轉用咗一套5色墨水，新增一支Photo Black墨水提升印相層次感；配合1.5微微升墨滴，精細效果媲美真相。

對應SD、MS同CF卡，主流記憶卡全部支援。

可打印CD封面，出紙盤會於打印時自動彈出。

賀卡寫中文都掂

一般經電腦或插卡印相，未免有啲單調，故新機植入有趣嘅賀卡打印功能，喺部打印機嘅3.5吋輕觸屏幕設定就搞掂，值得一讚係Intuitive UI介面簡單易用。用家只要進入「賀卡」選項揀相，便可先印出一張預覽圖，再用黑筆選擇所需嘅字款同效果，然後喺圖上手寫祝福語句，寫好後揭起頂蓋並將預覽圖掃描，便會自動印出獨一無二嘅4R賀卡，小記試過寫英文同中文都冇問題，勁好玩！

新設計Intuitive UI介面，操作都幾簡單。

用上5色Claria Premium墨水，當中Photo Black墨水有效提升層次感。

用上5色Claria Premium墨水，當中Photo Black墨水有效提升層次感。

只要在預覽圖打印紙揀文字款式，寫上心意字句，再擺入XP-701掃描，便能製作出聖誕卡。

只要在預覽圖打印紙揀文字款式，寫上心意字句，再擺入XP-701掃描，便能製作出聖誕卡。

每分鐘印32頁

想DIY埋聖誕裝飾？用家只要上網下載裝飾圖樣，打印後一步一步跟住摺紙便可製成Papercraft。如果想要多啲圖樣款式嘅話，可以到日本Epson網站，入面有針對家庭、朋友、戀人等而設嘅聖誕裝飾，甚至有立體聖誕卡圖樣下載！XP-701打印速度最高可達每分鐘32頁文件，印成疊圖樣都唔使等好耐。此外，新機仲內置Wi-Fi功能，對應iOS及Android平台嘅《Epson iPrint》無線打印程式，亦支援Epson Connect雲端服務，功能齊全。