BeoVision 11連繫網絡揭「芒」起義

今時今日，上網睇YouTube和玩facebook的時間，隨時多過煲碟追劇。針對這批用家，B&O最新3D電視BeoVision 11引進網絡功能，可連結社交網絡之餘，更可透過Wi-Fi連接電腦、智能手機及平板電腦，播放機內的影片、相片及音樂檔案。而全高清屏幕配合主動式快門3D顯示技術，演繹3D影像層次分明，配合銀色金屬邊框，凸顯歐洲機獨有的高貴感。

售價：$83,030（46吋） $109,030（55吋）

全面網絡功能

煲碟追劇睇到悶悶哋，想轉轉口味上facebook吹水和睇YouTube短片，BeoVision 11是不錯選擇。它只需接駁LAN線或Wi-Fi無線上網，便可利用預載應用程式，玩盡facebook、YouTube、Picasa、euronews等。小記試玩社交網絡時，用遙控器經虛擬鍵盤即可輸入文字，嫌麻煩的話更可用手機、平板等透過Wi-Fi連接電視，利用智能裝置篤芒輸入，睇中英文網頁都唔會有亂碼問題。

直播USB檔案

如睡房或書房電腦備有大量心水影片，但嫌廿多吋電腦芒仔睇得辛苦的話，亦可經Wi-Fi連接客廳BeoVision 11播放影片、相片及音樂等檔案，用全高清大電視欣賞，震撼感當然比電腦芒仔強得多。新機同時可直插USB手指或外置硬碟，播放H.264、MJPEG、WMV9、XviD、JPG等多媒體檔案都難不倒它。

採用超薄銀色金屬邊框，比起膠感過重的日韓品牌，顯得更典雅高貴。

可揭式掛牆架：為迎合不同家居環境，用家可另購專屬電動座地架（售價：$5,600）及掛牆架（售價：$5,600）。當中掛牆架可選擇於電視左邊或右邊安裝，最吸引是一按遙控器，電視便能像揭書般揭出來調校角度，最多可移至45度

可揭式掛牆架：為迎合不同家居環境，用家可另購專屬電動座地架（售價：$5,600）及掛牆架（售價：$5,600）。當中掛牆架可選擇於電視左邊或右邊安裝，最吸引是一按遙控器，電視便能像揭書般揭出來調校角度，最多可移至45度

跟機附送2副主動式快門3D眼鏡，採用輕巧設計，長時間佩戴都唔覺重。

自動調節亮度

新機另一賣點是引進適應性對比功能，機框右上方特設光暗感應器偵測光源，日光日白時會自動調高屏幕亮度，令畫面保持亮麗清晰；相反晚上昏暗時會將亮度降低，避免畫面顯得刺眼。配合自動優化畫質功能，能分析輸入視訊，局部調校黑位、光暗、銳利度及訊噪。同時，用家可因應片種而選擇影像及音效模式，備有Adaptive、Movie及Game等選擇，確保追劇、睇戲或打機時，用家能體驗頂級影音享受。

無論46或55吋型號都採用全高清屏幕，能演繹層次分明的3D影像。

屏幕下方設有隱藏式喇叭，每組喇叭由3/4吋高音、2吋中音及4吋低音單元構成。

機頂設有HDMI及USB插口，後者可外接USB裝置播放多媒體檔案。

規格表

畫面尺寸：46吋、55吋

只需透過LAN或Wi-Fi上網，便可玩盡facebook及YouTube等社交網絡。	可用遙控器加虛擬鍵盤輸入網址，瀏覽中文網頁都冇問題。	設有Adaptive、Movie、Game等9種音效模式，可因應不同片種而調校。
長條形設計的遙控器，上方特設液晶體顯示屏，單手操控都很方便。